Qarabağ FK
Misli Premyer Liqasının VIII turunun "Qarabağ" - "Neftçi" oyunundan (3:3) sonra komandamızın baş məşqçisi Qurban Qurbanovun iştirakı ilə mətbuat konfransı keçirilib. Təcrübəli mütəxəssis qarşılaşma barədə fikirlərini bildirib:
"Hər iki komandanın futbolçularına təşəkkür edirəm. Belə bir atmosfer yaratdıqları üçün azarkeşlərə də təşəkkürümü bildirirəm. Bu, sırf azarkeşlərin sevdiyi tərzdə oyun oldu. Bol qol, yüksək dinamika, yaxşı mübarizə. Hər iki komandanın futbolçuları məğlubiyyətə layiq deyildi. Sərgilənən oyuna görə hər iki tərəfi təbrik edirəm. Çempionatın maraqlı matçlarından biri oldu".
