Sport24.az
"Qarabağ"ın UEFA Avropa Liqasının II təsnifat mərhələsindəki rəqibi ÇSKA UEFA tərəfindən cəzalandırılıb. Sport24.az xəbər verir ki, Bolqarıstan təmsilçisi turnirin I təsnifat mərhələsində İrlandiyanın "Derri Siti" klubuna qarşı səfərdə keçirdiyi oyunda baş verən hadisələrə görə sanksiyaya məruz qalıb.
Belə ki, ÇSKA-nın azarkeşləri meydana müxtəlif əşyalar atıb, iğtişaş törədib və stadiona ziyan vurub. Bundan əlavə, fanatların irqçi davranışlara yol verdiyi də müəyyənləşib.
Bu səbəbdən UEFA Bolqarıstan klubunu 50 min avro məbləğində cərimələyib. Eyni zamanda, ÇSKA-nın avrokuboklarda növbəti səfər oyununa azarkeş aparmasına qadağa qoyulub.
Bu cəza "Qarabağ"la qarşılaşmaya təsadüf edəcək. Beləliklə, ÇSKA-nın azarkeşləri iyulun 23-də Bakıda keçiriləcək görüşü tribunadan izləyə bilməyəcəklər.
Qeyd edək ki, "Qarabağ" – ÇSKA matçı iyulun 23-də Respublika stadionunda keçiriləcək.
