Qarabağ FK
19 və 21 yaşadək futbolçulardan ibarət Azərbaycan milli komandalarının heyəti açıqlanıb. "Qarabağ"ın 8 futbolçusu yığmalara cəlb olunub.
Teymur Həsənovun dəvət aldığı 21 yaşadək futbolçulardan ibarət Azərbaycan milli komandası noyabrın 9-dan 17-dək Dalğa Təlim-Məşq Mərkəzində hazırlıq keçəcək. Hazırlıq prosesi çərçivəsində komandamız Oman U-23 milli komandası ilə iki yoldaşlıq oyunu keçirəcək. Görüşlər noyabrın 14-də və 17-də baş tutacaq.
Rəvan Teymurov, Amin Rzayev, Əhməd Vəliyev, Abdulaziz Cabbarlı, Əli Qazıbəyov, Əli Əliyev və Əli İbrahim U-19-un hazırlığına qatılıb. 19 yaşadək futbolçulardan ibarət Azərbaycan milli komandası Bakıda təlim-məşq toplanışını noyabrın 8-dək paytaxtda keçirdikdən sonra Serbiyaya yollanacaq. Yığmamız noyabrın 9-dan 18-dək Serbiyada təşkil olunacaq UEFA U-19 Çempionatının II seçmə mərhələsində iştirak edəcək. Milli komandamız qrup mərhələsində noyabrın 11-də Monteneqro, noyabrın 14-də Serbiya, noyabrın 17-də isə Farer adaları ilə qarşılaşacaq.
