Qarabağ FK
"Qarabağ" – "Kəpəz" - 3:0
Riçard Almeyda, 48. Abdullah Zubir, 72. Olavio Juninyo, 84
Komandamız növbəti oyununu keçirib. Qurban Qurbanovun yetirmələri Misli Premyer Liqasının II turunun ilk günündə meydana çıxıb. "Qarabağ" öz meydanında "Kəpəz""i qəbul edib.
Komandamız görüşə aşağıdakı start heyəti ilə çıxıb: 12. Sadiq Məmmədzadə , 20. Riçard Almeyda, 55. Bədavi Hüseynov (k), 30. Abbas Hüseynov, 24. Aleksey İsayev, 27. Toral Bayramov, 90. Nəriman Axundzadə, 66. Patrik Andrade, 17. Hamidu Keyta, 2. Mateus Silva, 19. Redon Cica.
İlk dəqiqələrdən hücumlar quran komandamız rəqib qapısına yol tapmaqda çətinliklə üzləşib. "Qarabağ"ın ön xətdəki fəallığı ilk yarıda bəhrəsini verməyib.
Komandamız istəyinə fasilədən sonra çatıb. Öncə Riçard Almeyda qol sevinci yaşayıb. Hissənin ortalarında Abdullah Zubir fərqi iki topa çatdırıb. "Qarabağ"ın bombardiri Olavio Juninyo matçda son nöqtəni qoyub – 3:0.
Beləliklə, komandamız Premyer Liqanın startında ardıcıl ikinci böyükhesablı qələbəsini qazanıb.
Qeyd edək ki, növbəti oyununu avqustun 16-da keçirəcək "Qarabağ" Şamaxıda eyniadlı klubun qonağı olacaq.
