Qarabağ FK
"Qarabağ" – "Sumqayıt" – 5:0
Musa Qurbanlı, 7, 33, Nəriman Axundzadə, 45+1, Redon Cica, 75, Toral Bayramov, 90+2
"Qarabağ" növbəti oyununu keçirib. Komandamız Misli Premyer Liqasının XVII turunda "Sumqayıt"ı qəbul edib. Qarşılaşma Tofiq Bəhramov adına Respublika stadionunda baş tutub.
Qurban Qurbanov bu matçda aşağıdakı start heyətinə şans verib: 97. Fabian Buntiç, 55. Bədavi Hüseynov (k), 30. Abbas Hüseynov, 27. Toral Bayramov, 22. Musa Qurbanlı, 90. Nəriman Axundzadə, 66. Patrik Andrade, 7. Yassin Benzia, 2. Mateus Silva, 15. Leandro Andrade, 11. Emmanuel Addai.
Oyuna fəal başlayan komandamız ilk dəqiqələrdən təşəbbüsü ələ alıb. Bu, Musa Qurbanlının erkən qolu ilə nəticələnib.
Hesab açıldıqdan sonra da hücumlarını davam etdirən komandamız fasiləyədək daha iki qol vurub. Öncə Musa Qurbanlı dublunu rəsmiləşdirib. Fasilə öncəsi Nəriman Axundzadə də qol sevinci yaşayıb.
İkinci hissədə də ssenari dəyişməyib. Oyuna nəzarət edən komandamız daha iki qola sevinib. Öncə Redon Cica, uzatma dəqiqələrində Toral Bayramov fərqlənib.
Beləliklə, "Qarabağ" ev oyununda 5 cavabsız qolla qalib gəlib. Bu qələbədən sonra xallarının sayını 41-ə çatdıran komandamız turnir cədvəlinin zirvəsinə qayıdıb.
Qeyd edək ki, "Qarabağ" növbəti matçını dekabrın 19-da keçirəcək. III turdan təxirə salınmış görüşdə rəqib "Şamaxı" olacaq.
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
