Qarabağ FK
"Qarabağ" - "Neftçi" - 4:0
Robert Bauer, 18 (avtoqol), Olavio Juninyo, 29, Yassin Benzia, 45+3, Leandro Andrade, 90+1
Komandamız növbəti oyununu keçirib. Qurban Qurbanovun yetirmələri Misli Premyer Liqasının VII turu çərçivəsində "Azersun Arena"da "Neftçi"ni qəbul ediblər.
Komandamız görüşə aşağıdakı heyətlə çıxıb: 99. Mateuş Koxalski, 55. Bədavi Hüseynov (k), 13. Bəhlul Mustafazadə, 44. Elvin Cəfərquliyev, 27. Toral Bayramov, 10. Abdullah Zubir, 66. Patrik Andrade, 7. Yassin Benzia, 18. Olavio Juninyo, 2. Mateus Silva, 6. Julio Romao.
Oyun komandamızın üstünlüyü ilə başlayıb. Təsadüfi deyil ki, futbolçularımız ilk 45 dəqiqədə rəqib qapısından 3 cavabsız top keçiriblər. Qarşılaşmada hesab avtoqolla açılıb. Fasiləyə qədər Olavio Juninyo və Yassin Benzia hərəyə bir gözəl qola imza atıblar.
İkinci hissədə də topa nəzarət komandamızın tərəfində olub. Bir neçə təhlükəli hücumlar və qol vəziyyətləri yaransa da, onlardan yararlanmaq mümkün olmayıb. Yalnız 90+1-ci dəqiqədə qonaqlar dördüncü dəfə mərkəzə dəvət olunublar. Matçda son nöqtəni qapıçı ilə təkbətək dueldən Leandro Andrade qoyub. Bununla komandamız böyükhesablı qələbə qazanıb - 4:0.
Xallarının sayını 15-ə çatdıran komandamız turnir cədvəlində liderliyə yüksəlib.
Qeyd edək ki, ölkə çempionatında növbəti matçını sentyabrın 29-da keçirəcək "Qarabağ" "Sabah"ı qəbul edəcək.
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
