Qarabağ FK
Misli Premyer Liqasının 2023/24 mövsümünün mükafatlandırma mərasimi keçirilib. Klubumuzun təşkil etdiyi tədbir "Azersun Arena"da baş tutub.
Mükafatlar XXXVI turun "Araz-Naxçıvan" – "Qarabağ" oyunundan sonra təqdim edilib. Ardıcıl 3-cü, tarixində 11-ci dəfə olan komandamız mükafatlarını alıb.
Öncə futbolçulara qızıl medallar verilib. Yeni dizaynda hazırlanan bu mükafatlar ilk dəfə özəl şou ilə təqdim olunub. Hər oyunçu medalını almaq üçün fəxri kürsüyə öz seçdiyi musiqinin sədaları altında qalxıb.
Çempionatın bombardiri Olavio Juninyoya da mükafat verilib. O, 20 qolla Premyer Liqanın ən yaxşısı olub.
Sonda "Qarabağ"a çempionluq kuboku təqdim olunub. Komandamız yeni hazırlanan mükafata sahib çıxıb.
Qeyd edək ki, "Qarabağ" çempionatın sonuna 8 tur qalmış 1-ci yeri təmin edib. Yekunda isə komandamız 36 turda 83 xal toplayıb.
