Qarabağ FK
"Sports.az Awards" mükafatının qalibləri müəyyənləşib. Qaliblər Sports.az saytının təşkilatçılığı ilə keçirilən 2023/24 mövsümünün ən yaxşılarının mükafatlandırma mərasimində təltif olunublar.
Klubumuz və təmsilçiləri 7 fərqli nominasiyada ən yaxşı seçilib. "Qarabağ" Futbol Klubu "Mövsümün ən yaxşı komandası" seçilib. Mükafat klubun baş direktoru Emrah Çelikelə təqdim olunub. Baş məşqçimiz Qurban Qurbanov "Mövsümün ən yaxşı baş məşqçisi" adına layiq görülüb. Klubumuzun İdarə Heyətinin üzvü Asif Əsgərov "Mövsümün ən yaxşı klub funksioneri" mükafatı ilə təltif edilib.
Fərqlənlər sırasında komandamızın dörd futbolçusu da yer alıb. Olavio Juninyo "Mövsümün ən yaxşı futbolçusu", Bəhlul Mustafazadə "Mövsümün ən yaxşı yerli futbolçusu", Nəriman Axundzadə "Mövsümün ən yaxşı gənc futbolçusu", Andrey Lunyov "Mövsümün ən yaxşı qapıçısı" mükafatına sahib çıxıb.
