Qarabağ FK
"Qarabağ" – "Səbail" – 3:1
Musa Qurbanlı, 13, Emin Rüstəmov, 43 (ö.q.), Nəriman Axundzadə, 55 – Rüfət Abdullazadə, 15
İlk oyun – 1:0
"Qarabağ" növbəti oyununu keçirib. Komandamız Azərbaycan kubokunun 1/4 final mərhələsinin cavab matçına çıxıb.
Qurban Qurbanovun yetirmələri "Səbail"i qəbul ediblər. Səfərdəki ilk görüşdə 1:0 hesabı ilə qalib gələn komandamız bu dəfə də azarkeşlərini sevindirib.
Matç qarşılıqlı erkən qollarla başlayıb. Öncə Musa Qurbanlı qonaqların qapısına yol tapıb – 1:0. İki dəqiqə sonra paytaxt təmsilçisi hesaba tarazlıq gətirə bilib.
Hücumlarını davam etdirən komandamız fasilə ərəfəsində yenidən hesabda önə keçib. Bu dəfə rəqib futbolçu Emin Rüstəmov avtoqol müəllifi olub.
İkinci hissəyə də fəal başlayan "Qarabağ" 3-cü qolu vurub. Bu dəfə Nəriman Axundzadə qol sevinci yaşayıb. Komandamız bununla da qarşılaşmadan 3:1 hesablı qələbə ilə ayrılıb.
Beləliklə, "Səbail"ə hər iki oyunda qalib gələn "Qarabağ" yarımfinala yüksəlib. Komandamız növbəti rəqibi "Zirə" – "Araz-Naxçıvan" matçında müəyyənləşəcək.
Qeyd edək ki, yarımfinalın ilk oyunları aprelin 2-də, cavab görüşləri 23-də keçiriləcək.
