Qarabağ FK
Azərbaycan idmanında 2024-cü ilin ən yaxşıları bəlli olub. Gənclər və İdman Nazirliyinin təşkilatçılığı ilə keçirilən Qala mərasimdə "Qarabağ" müxtəlif nominasiyalarda ən yaxşılar sırasında yer alıb.
Buna komandamızın il ərzində qazandığı nailiyyətlər səbəb olub. Klubumuz 2023/24 mövsümündə Azərbaycan çempionu adını 11-ci dəfə qazanıb. "Qarabağ" ölkə kubokunu da əldə edərək "Qızıl dubl"a imza atıb. Ötən mövsümdə Avropa Liqasında pley-offu keçərək 1/8 finala bu qədər irəliləyən komandamız bu mərhələyə yüksələn ilk Azərbaycan klubu kimi tarixə düşüb. 2024/25 mövsümündə ardıcıl 11-ci dəfə avrokubokların əsas mərhələsinə yüksələn komandamız Premyer Liqada qış fasiləsinə 1-ci pilədə yollanıb.
Bu uğurların nəticəsində "Qarabağ" İlin ən yaxşı kişi komandası seçilib. Mükafat klubumuzun baş direktoru Emrah Çelikelə təqdim olunub. Komandamızın baş məşqçisi Qurban Qurbanov İlin ən yaxşı məşqçisi nominasiyasında 3-cü yeri tutub.
