Sport24.az
"Qarabağ"ın futbolçusu Joni Montieli transfer etmək istəyən klublardan biri müəyyənləşib. Sport24.az-ın etibarlı mənbədən əldə etdiyi məlumata görə, İspaniyanın "Ovyedo" klubu 27 yaşlı yarımmüdafiəçinin xidmətində maraqlıdır.
Mənbənin bildirdiyinə əsasən, İspaniya təmsilçisi futbolçunun vəziyyətini öyrənmək məqsədilə "Qarabağ"a sorğu göndərib. Lakin Ağdam klubunun rəhbərliyi Montieli buraxmaq niyyətində olmadığını qarşı tərəfə açıq şəkildə çatdırıb.
Joni Montiel 2021/2022 mövsümündə "Ovyedo"nun formasını geyinib. İspan futbolçu üçün bu transfer reallaşacağı təqdirdə, keçmiş klubuna qayıdış anlamına gələcəkdi.
Qeyd edək ki, Montielin "Qarabağ"la müqaviləsi 2027-ci ilin yayına qədər qüvvədədir. Ağdam təmsilçisinin sözləşməni daha iki il uzatmaq hüququ da mövcuddur.
