Sport24.az
"Qarabağ" Portuqaliyanın "Casa Pia" klubunun futbolçusu Joao Qulartın transferindən imtina etmək məcburiyyətində qalıb. Sport24.az-ın etibarlı mənbədən əldə etdiyi məlumata görə, buna səbəb qarşı tərəfin 26 yaşlı müdafiəçi üçün tələb etdiyi yüksək məbləğ olub.
Mənbənin bildirdiyinə əsasən, "Casa Pia" futbolçunu 1,5 milyon avro qarşılığında buraxmağa razı olub. Lakin Ağdam təmsilçisinin rəhbərliyi bu rəqəmi həddindən artıq yüksək qiymətləndirərək transferdən imtina edib.
Joao Qulartla Bolqarıstanın "Levski" klubu da yaxından maraqlanır və futbolçunun gələcəyi ilə bağlı qərarın yaxın vaxtlarda verilməsi gözlənilir.
Qeyd edək ki, portuqaliyalı müdafiəçi "Sportinq" Futbol Akademiyasının yetirməsidir.
