Qarabağ FK
"Turan Tovuz" - "Qarabağ" – 0:0
Komandamız növbəti oyununu keçirib. Qurban Qurbanovun yetirmələri Misli Premyer Liqasının XII turu çərçivəsində Tovuzda "Turan Tovuz"un qonağı olub.
Komandamız qarşılaşmaya aşağıdakı heyətlə çıxıb: 99. Mateus Koxalski, 55. Bədavi Hüseynov (k), 30. Abbas Hüseynov, 13. Bəhlul Mustafazadə, 27. Toral Bayramov, 10. Abdullah Zubir, 66. Patrik Andrade, 8. Marko Yankoviç, 18. Olavio Juninyo, 15. Leandro Andrade, 21. Aleksey Kaşuk.
Komandalar görüşdə fəal başlayıblar. Qarşılıqlı hücumlarla keçən görüş dinamik alınıb. Lakin komandalar rəqibin müdafiə xəttini yarmaqda çətinlik çəkiblər. Meydan sahiblərinin hücumlarının qarşısını müdafiəçilərimiz inamla almağı bacarıblar. Çoxsaylı hücumlarla zəngin matçda komandamız qol imkanları yaratsa da, hesabı aça bilməyib. Beləliklə, "Qarabağ" mövsümdə ilk heç-heçəsinə imza atıb. Əvvəlki 10 turda 9 qələbə və 1 məğlubiyyəti olan komandamız ilk sülhlə xallarının sayını 28-ə çatdırıb.
Qeyd edək ki, ölkə çempionatında növbəti matçını noyabrın 10-da keçirəcək "Qarabağ" Tofiq Bəhramov adına Respublika Stadionunda "Zirə"ni qəbul edəcək.
