top
Maksim Medvedev: Uşaqlara telefon deyil, dəstək verilməlidir Idman.biz
28 oktyabr 2026, 13:25
- ↺ +

Maksim Medvedev: Uşaqlara telefon deyil, dəstək verilməlidir

"Doğrudan da möhtəşəm bir turnir keçirilir. Azərbaycanda belə şərait yaradılıb, meydançalar tikilib, hər şey futbol üçün edilib. Komandalar üçün yaxşı şərait qurulub. Turnir həm də əyləncəli formatda təşkil olunub. İlk dəfədir Azərbaycanda belə bir yarış keçirilir. Arsen Venger kimi tanınmış futbol adamı oyunları izləyir. Bu, Azərbaycan futbolu üçün böyük hadisədir. Belə simaları hər gün canlı görə bilmirik".

Bu sözləri Azərbaycan millisinin və "Qarabağ"ın sabiq futbolçusu Maksim Medvedev Bakının ev sahibliyi etdiyi FIFA U-15 dünya çempionatı və festivalı ilə bağlı danışarkən deyib.

O, turnirdə çıxış edən Azərbaycanın U-16 millisinin heyətində bəzi uşaqları tanıdığını bildirib.

"Bir neçəsi mənimlə işləyib. Məsələn, müdafiəçi Məhəmməd Ağamalıyev və qapıçı Oqtay Mehrəliyev mənim komandada mənimlə olublar. Onlara uğurlar arzulayıram. Digər komandaların heyətində də tanıdığım futbolçular var. Düşünürəm ki, uşaqlar belə turnirlərdə iştirak edə-edə inkişaf edəcəklər. Belə yarışlar nə qədər çox keçirilsə, o qədər yaxşı olar. Bu, onların həm təcrübəsi, həm də gələcəyi üçün böyük təkan verər. İndi nəticə baxımından şansımızı itirmiş olsaq da, belə turnirdə iştirak etməyin özü böyük təcrübədir. Başqa komandalarla oynayır, fərqli futbolçuları görürsən. Bəlkə də bu gün həmin turnirdə qarşılaşdığımız uşaqlardan bir neçəsini üç-dörd ildən sonra böyük futbolçu kimi görəcəyik. Onda da deyəcəyik ki, biz bunlarla vaxtilə eyni turnirdə oynamışıq. Belə yarışlar hər tərəfdən insanı sevindirir. Azarkeşlər gəlir, oyunları izləyir, insanlar bir-biri ilə ünsiyyət qururlar. Bu, böyük üstünlükdür. İstərdim ki, bizim uşaqlar da belə turnirlərdə daha çox iştirak edib təcrübə qazansınlar", - deyə o AZƏRTAC-a açıqlamasında vurğulayıb.

Hazırda "Qarabağ"ın əvəzedici komandasının baş məşqçisi kimi fəaliyyət göstərən mütəxəssis indiki gənc oyunçularla öz dövrünün futbolçu nəslini müqayisə edib:

"Bizim vaxtımızda millidə əsasən azərbaycanlı futbolçular çıxış edirdilər. Rəşad Sadıqov, Kamran Ağayev, Mahir Şükürov kimi oyunçularla eyni komandada olmuşam. Mən onlardan daha gənc idim, amma birlikdə oynayırdıq. Həmin vaxt hamı futbolun nə olduğunu yaxşı başa düşürdü, hər kəs lider olmağa çalışırdı. Heç kim uduzmağı sevmirdi, məğlubiyyətlə barışmırdı. Komandada mübarizə ruhu var idi. Amma indiki gənclərlə bizim nəslimizi müqayisə etmək bir qədər çətindir. Məncə, bu, təkcə futbolla bağlı deyil. Dövr dəyişib. Biz millenial nəslindənik, indi isə Alfa nəsli yetişir. Bizim vaxtımızda telefon yox idi, tennis, domino oynayır, daha çox futbol haqqında danışırdıq. Əsas marağımız futbola idi. İndiki uşaqların isə maraq dairəsi daha genişdir, hər oyundan sonra əllərində telefon görürsən. Ona görə onların diqqəti bir qədər fərqli istiqamətlərə yönəlir. Biz oyuna üç gün qalmış hazırlaşmağa başlayır, məşqlərdə bir-birimizlə danışır, səhvləri müzakirə edirdik. Kimsə çətinlik çəkəndə ona dəstək olurduq. İndi isə bəzən futbolçular arasında ünsiyyətin zəif olduğunu görürsən. Hər kəs öz oyununun yaxşı olmasına çalışır, başqalarının necə çıxış etməsi ilə o qədər də maraqlanmır. Amma bu, indiki uşaqların pis, bizim nəslin isə yaxşı olması demək deyil. Futbol dəyişir, məşq proqramları, oyun tərzi də fərqlənir. Əvvəllər fiziki hazırlığa daha çox fikir verilirdisə, indi sürət və texnika da böyük əhəmiyyət daşıyır".

M.Medvedev vaxtilə özlərinin də əvvəlki nəslin futbolçuları ilə müqayisə olunduğunu xatırladıb:

"İndi isə biz gənclərə başqa cür baxırıq. Əsas məsələ dəyişən dövrü qəbul etmək və uşaqlara dəstək olmaqdır. Onların əlindən telefonu, "Instagram"ı, "TikTok"u ala bilmərik. Mən özüm də gənc futbolçularla işləmişəm, indi əvəzedici komandada çalışıram. Bəzən özüm də təəccüblənirəm. Uşaqlar hansısa mahnını əzbər bilirlər, amma oyuna dair iki tapşırıq verəndə onu yadda saxlamaqda çətinlik çəkirlər".

Veteran futbolçunun sözlərinə görə, yaxşı məşqçi ilk növbədə indiki gəncləri başa düşməyi bacarmalıdır:

"Hər dəfə telefonu yığışdırmağı tələb etsən, uşaqlar səni özlərinə qarşı olan biri kimi qəbul edə bilərlər. Əlbəttə, telefonla bağlı müəyyən məhdudiyyətlər olmalıdır, amma əsas məsələ onların diqqətini düzgün istiqamətləndirməkdir. Məsələn, oyundan əvvəl 40 dəqiqə ərzində bütün diqqətlərini futbola yönəltmələrini tələb etmək olar. Düşünürəm ki, belə yanaşma ilə uşaqları öz tərəfimizə çəkə, onların futbola marağını artıra bilərik".

Qeyd edək ki, oktyabrın 30-a kimi davam edəcək U-15 dünya çempionatı və festivalı 189 ölkədən futbolçuları bir araya gətirir.

Azərbaycanın U-16 yığması mundialdakı ilk oyununda Timor-Lesteni 6 cavabsız qolla üstələyib, İsraili məğlub edib - 3:1. Andorraya minimal hesabla (1:0) qalib gələn millimiz Avstraliyaya 1:3, Haitiyə 0:4 hesabı ilə uduzub. Famil Xəlilovun baş məşqçisi olduğu kollektiv hazırda 65-96-cı yerlər uğrunda mübarizə aparır.

Birev — ev elanları, mənzil, həyət evi, torpaq, ofis | Daşınmaz əmlak platforması
Qarabağ FK

Son xəbərlər

Futbol
Bu gün, 11:00

Elvin Yunuszadə: Qışın gedişatı hələ müəyyən edilməmişdir

Digər
Bu gün, 10:55

UFC, Fransa döyüşçüsü Manon Fioro'nu dopinq testi nəticəsində 3 aylıq disqvalifikasiyaya cəlb etdi

Futbol
Bu gün, 10:47

Yuri Vernidub “Neftçi” Futbol Akademiyasının heyəti ilə görüşü

Futbol
Bu gün, 10:40

Alman mütəxəssisi Polşa millisini baş məşqçisi ola bilər

Digər
Bu gün, 10:39

Qazaxda 25 idman növünü əhatə edən idman festivalı keçirildi

Futbol
Bu gün, 10:20

FIFA keçmiş prezidenti Sepp Blatter, Canni İnfantinonun namizədliyini məhdudiyyətə görə qeyri-qanuni sayır

Qarabağ FK
Bu gün, 10:10

“‘Kəpəz’lə ‘Qarabağ’ matçının təyinatları açıqlanıb”

Futbol
Bu gün, 10:10

Mudrik: “Çelsi”yə transferdən əvvəl “Arsenal”da çıxış etmək arzusundaydım

Qarabağ FK
Bu gün, 10:00

Türkiyə klubları “Qarabağ”ın futbolçusu Marko Yankoviçə marağını itirmir

Futbol
Bu gün, 09:53

Sumqayıt – Sabah: Misli Premyer Liqası 12-ci turu

Futbol
Bu gün, 09:40

Tibo Kurtua Real-da 2028-ə qədər qalan müqavilə uzadılıb

Futbol
Bu gün, 09:38

Ever Baneqa 37 yaşında peşəkar futbol karyerasını başa vurdu

Futbol
Bu gün, 09:29

Kostas Tsimikas yayda Liverpuldan ayrılaraq La Liqa klubuna keçə bilər;

Futbol
Bu gün, 09:24

Sabiq Braziliya futbolçusu Gabi Morais narkotik pullarının yuyulmasında həbs edildi

Futbol
Bu gün, 09:20

Alman klubu 60 milyon avro təklifi ilə Inter’in 20 yaşlı müdafiəçisi Finn Yelçin

Futbol
Bu gün, 09:08

Harri Keyn ikinci Qızıl Top üçün hədəfləri: daha çox kubok qazanmaq istəyir

Futbol
Bu gün, 09:00

Sumqayıt Sabah qarşısında Mehdi Huseynzadə arenasında oynayacaq

Futbol
Bu gün, 08:40

Li Kan İn xaricdə 2026-cı ilin ən yaxşı Asiyalı futbolçusu, “Traktor”un qapıçısı Əlirza Beyranvənd isə Asiyanın ən yaxşı futbolçusu seçildi

Futbol
Bu gün, 08:20

İmişli 12-ci turda Zirəni ev stadionunda qəbul edir

Futbol
Bu gün, 08:12

"Barselona" Lisandro Martinezın transferinə maraq göstərmədi: Deku və Flik rədd etdi

Futbol
Bu gün, 08:00

Blekpul klubu doğum günündə baş məşqçi Ian Evatti vəzifəsindən çıxardı

Futbol
Bu gün, 07:11

İnterin müdafiəçi transferi üçün 60 milyon avroluq qiymət tələb olunur

Futbol
Bu gün, 06:13

Real Madrid Chema Andresi geri gətirməyi düşünür

Futbol
Bu gün, 05:07

Poçettino “Old Trafford”da “Country Roads” mahnısını əlamət kimi qəbul etdi

Oxşar xəbərlər