Qarabağ FK
Komandamızın UEFA Avropa Liqasının Liqa mərhələsinin I turu çərçivəsində İsveçin "Malmö" klubuna qarşı keçirəcəyi ev qarşılaşmasına akkreditasiya elan olunur. Oktyabrın 3-də keçiriləcək matç üçün qeydiyyatdan keçmək istəyən media mənsublarının aşağıdakı tələblərə uyğun olması mütləqdir:
Akkreditasiya vəsiqəsini Peşəkar Futbol Liqasında (PFL) qeydiyyatdan keçmiş KİV nümayəndələri ala bilərlər;
Qeydiyyatdan keçmək istəyən KİV nümayəndələri sentyabrın 28-i saat 18:00-dək media orqanının və PFL-in media vəsiqəsini [email protected] elektron ünvanına göndərməlidirlər;
Qeydiyyatdan keçərkən yazılı mətbuat nümayəndəsi PRESS, fotoqraflar FOTO, televiziya əməkdaşları isə TV yazmalıdırlar;
Media sektorda yerlər məhdud olduğu üçün üstünlük Azərbaycan çempionatının oyunlarında mütəmadi iştirak edən idman mediası təmsilçilərinə veriləcək;
Hər sayt və qəzet 1, televiziyadan isə 2 əməkdaş (1 müxbir, 1 operator) akkreditasiya üçün müraciət edə bilər;
Göndərdiyiniz e-maildən təsdiq cavabı aldıqdan sonra akkreditasiyadan keçmiş sayılırsınız;
Akkreditasiyaların verilmə tarixi və yeri haqda daha sonra məlumat veriləcək.
Qeyd edək ki, oktyabrın 3-də Tofiq Bəhramov adına Respublika stadionunda keçiriləcək "Qarabağ" – "Malmö" oyunu saat 20:45-də başlayacaq.
