Qarabağ FK
"Səbail" - "Qarabağ" – 0:3
Olavio Juninyo, 47. Aleksey Kaşuk, 66. Leandro Andrade, 88
Komandamız növbəti oyununu keçirib. Qurban Qurbanovun yetirmələri Misli Premyer Liqasının XIV turu çərçivəsində "ASCO Arena"da "Səbail"in qonağı olub.
Komandamız qarşılaşmaya aşağıdakı heyətlə çıxıb: 99. Mateus Koxalski, 30. Abbas Hüseynov, 24. Aleksey İsayev, 13. Bəhlul Mustafazadə, 44. Elvin Cəfərquliyev, 10. Abdullah Zubir (k), 81. Kevin Medina, 66. Patrik Andrade, 7. Yassin Benzia, 18. Olavio Juninyo, 21. Aleksey Kaşuk.
Görüş qarşılıqlı hücumlarla başlayıb. Tezliklə futbolçularımız nəzarəti ələ alıblar. Hesabı açmaq üçün imkanlar yaransa da, birinci hissədə fərqlənmək mümkün olmayıb.
Komandamız üstün oyununu fasilədən sonra hesaba da əks etdirib. Artıq ikinci hissənin startında Olavio Juninyo hesabı açıb. Bir qədər sonra Aleksey Kaşuk rəqibi mərkəzə dəvət edib. Qarşılaşmada son nöqtəni isə Leandro Andrade qoyub.
Beləliklə, 3:0 hesablı qələbə qazanan komandamız Premyer Liqada xallarının sayını 34-ə çatdırıb və liderliyini qoruyub.
Qeyd edək ki, ölkə çempionatında növbəti matçını dekabrın 1-də keçirəcək "Qarabağ" səfərdə "Neftçi" ilə qarşılaşacaq.
