Qarabağ FK
"Qarabağ" – "Zirə" - 4:2
Aleksey Kaşuk, Davud Mənsumov, Bəhlul Mustafazadə, Redon Cica - Ruan Renato, Martins Junior
Mövsümün ikinci yarısına Bakıda hazırlaşan komandamız təlim-məşq toplanışı çərçivəsində ikinci yoxlama oyununu keçirib. Qurban Qurbanovun yetirmələri "Zirə" ilə qarşılaşıb.
Komandamız meydana aşağıdakı "11-lik"lə çıxıb: 99. Mateuş Koxalski, 81. Kevin Medina, 2. Mateus Silva, 30. Abbas Hüseynov, 27. Toral Bayramov, 6. Julio Romao, 8. Marko Yankoviç, 15. Leandro Andrade, 21. Aleksey Kaşuk, 11. Emmanuel Addai, 90. Nəriman Axundzadə.
"Azersun Arena"da təşkil olunan matçın birinci hissəsində hər iki komanda qol vurmaq üçün cəhdlər edib. Lakin fasiləyə qədər tablodakı sıfırları dəyişmək mümkün olmayıb. İkinci hissənin əvvəllərində "Zirə" hesabı açıb.
Hesabda geri düşdükdən sonra təzyiqi artıran futbolçularımız çox keçmədən tarazlığı bərpa ediblər. Aleksey Kaşuk bərabərlik qolunun müəllifi olub. Daha sonra Davud Mənsumov komandamızı önə keçirib. Ancaq rəqib bərabərlik qolunu vurmağa müvəffəq olub.
Buna baxmayaraq, üstünlüyü ələ alan komandamız son dəqiqələrdə ardıcıl iki qol vuraraq, 4:2 hesablı qələbə qazanıb.
Qeyd edək ki, komandamız ilk yoxlama görüşündə "Kəpəz" üzərində 5:1 hesablı qələbə qazanıb.
