Qarabağ FK
Sabah Misli Premyer Liqasında 2024/25 mövsümünə start veriləcək. Komandamız I turun ilk günündə "Araz-Naxçıvan"la qarşılaşacaq.
Qurban Qurbanovun yetirmələri səfər görüşünü "Liv Bona Dea Arena"da keçirəcək. Bu matç komandalar arasında Premyer Liqadakı 9-cu duel olacaq. Rəqiblər ilk dəfə 2000-ci ildə üz-üzə gəliblər.
Əvvəlki qarşılaşmalarda komandamız 4 qələbə qazanıb. Üç matçda isə rəqib qalib gəlib. Bir görüşdə heç-heçə qeydə alınıb.
Top fərqində üstünlük "Qaraabğ"ın tərəfindədir. Komandamız 15 qol vurub, 11-ni buraxıb. Ağdam klubu indiyədək keçirilən görüşlərin hamısında qol sevinci yaşayıb.
Qeyd edək ki, "Araz-Naxçıvan" – "Qarabağ" oyunu avqustun 2-də "Liv Bona Dea Arena"da keçiriləcək. Matç saat 20:00-da başlayacaq.
05.08.2000. Qarabağ - Araz - 1:0
10.05.2001. Araz - Qarabağ - 2:1
14.10.2001. Araz - Qarabağ-Azərsun - 3:2
23.12.2001. Qarabağ-Azərsun - Araz - 3:0
20.08.2023. Qarabağ – Araz-Naxçıvan - 2:1
30.10.2023. Araz-Naxçıvan - Qarabağ - 2:1
23.01.2024. Qarabağ – Araz-Naxçıvan - 3:1
26.05.2024. Araz-Naxçıvan - Qarabağ - 2:2
