top
Aftandil Hacıyev: “Bizi onların peşəkar futbola qədəm qoymaları maraqlandırır” Qarabağ FK
10 fevral 2025, 23:46
- +

Aftandil Hacıyev: “Bizi onların peşəkar futbola qədəm qoymaları maraqlandırır”

Akademiyamızın koordinatoru Aftandil Hacıyev klubumuzun rəsmi saytına müsahibə verib. O, aşağı yaş qrupları üzrə komandalarımızda görülən işlər və qarşıdakı planlar barədə danışıb:

- 2025-ci ilin ilk ayı arxada qalıb. Akademiyamızın komandaları liqalarda mövsümün ikinci hissəsinə start verib. Komandalarımızın ilin əvvəlindəki durumunu necə qiymətləndirirsiz?

- Akademiyanın komandaları hazırlığı və mövsümün ikinci hissəsində mübarizəni davam etdirirlər. Qış fasiləsinə qədər olan dövrdə əksər futbolçularımız bir yaş böyüklərdən ibarət komandalarda forma geyinirdi. Hətta yoxlama görüşlərində əsas komandaya qoşulan yetirmələrimiz də oldu. Onların inkişafı üçün addımlar atılır. Bu, dayanmadan davam etməlidir. Klub və akademiya rəhbərliyi mövsümün ikinci hissəsində də komandaların, futbolçuların, məşqçilərin inkişafı üçün lazım olan hər şeyi edəcək.

- Ümumiyyətlə, akademiyanın komandaları qış fasiləsini necə keçiriblər? Onları həlledici oyunlara tam hazır saymaq olar?

- Qış fasiləsi o qədər uzun olmadı. 10 günlük istirahətdən sonra hazırlıqlara başladıq. Komandalarımız mövsümün ikinci - həlledici hissəsində özlərini yaxşı tərəfdən göstərirlər. Futbolçuların mövsümün həlledici oyunlarına daha yaxşı hazır olması üçün əlimizdən gələni edirik, onların maariflənməsinə, formalarını yaxşılaşdırmasına çalışırıq. Ümumilikdə bütün liqalarda çempionatlın sonuna kimi yaxşı temp yığmalıyıq. Çünki həlledici məqamlarda hazır olmaq daha önəmlidir.

- Hazırda zonalar üzrə deyil, bir qrupda çıxış edən U-19, U-17, U-16 və U-15 çempionluq mübarizəsi aparır. Komandalarımızın şanslarını necə dəyərləndirirsiz?

- U-15 və U-16 mayda pley-off mərhələsində oynayacaqlar. Onların nəticələri nə qədər önəmli olsa da, inkişafları daha vacibdir. Futbolçuların növbəti mövsüm üçün daha yüksək yaş qruplarında oynamağa hazır olması çox vacibdir. Bu yaş qruplarından bir futbolçumuz artıq əsas komanda ilə hazırlıq keçir. Əsas məqsədimiz onları qısa zamanda böyük futbola çatdırmaq, istedadlarını açmaq üçün şərait yaratmaqdır. Təbii ki, mayda pley-offda nəticələr yaxşı olanda biz də sevinirik. Amma əsasən futbolçuların daha yüksək yaş qruplarına hazır olmasına fokuslanmışıq. U-17 və U-19 komandaları üçün uzun müddətdir seleksiya aparılır. Bu yaş qruplarında kənardan futbolçu cəlb etmək çox çətindir. Ona görə əlimizdə olan heyətlə nəticələrin daha yaxşı olmasına çalışırıq. Ən önəmlisi bu futbolçuları əvəzedici və əsas heyət üçün yetişdirməkdir. Artıq bir neçə futbolçumuz əsas, bəziləri əvəzedici komandanın məşqlərinə qoşulurlar. Bizi daha çox onların peşəkar futbola qədəm qoymaları maraqlandırır.

- Qarşıda komandalarımızı hansı beynəlxalq turnirlər gözləyir?

- Bir çox ölkələrdə qışa qədər turnirlər keçirilmir. Qarşıda qatıla biləcəyimiz bir sıra turnirlərlə bağlı danışıqlar aparırıq. Bu yarışların təşkilati işləri başa çatıb və təsdiq gözləyirik. Bir neçə komandamız yaya qədər beynəlxalq turnirlərdə iştirak edə bilər. Yaxın müddətdə bu komandalar və turnirlər dəqiqləşəcək. İldən-ilə qatıldığımız turnirlərin səviyyəsinin yüksəlməsi barədə düşünürük. Bu il ötən ilki ilə müqayisədə daha keyfiyyətli yarışlara qatılmağa qərar vermişik. Futbolçularımız və məşqçilərimiz bu sınaqlardan çox yaxşı təcrübə qazana bilərlər.

- Akademiyanın mövsümün ikinci hissəsi üçün planları necədir?

- Akademiyada mövsümü hissələrə bölmək deyil, sistematik iş barədə düşünürük. Bu ildən oyun üslubumuzun sistemli olması istiqamətində addımlar atmışıq. Bu, bütün yaş qrupları üzrə komandalarımızla bağlıdır. Bunu mövsümün ikinci hissəsində də davam etdirməyi planlaşdırırıq.

- Akademiya ilə bağlı hansı yeniliklər nəzərdə tutulub?

- Bütün akademiyanın indi eyni məkana – "Sərhədçi" İdman Mərkəzinə köçürülməsi planlaşdırılır. Bunun gerçəkləşməsini istəyirik ki, bütün komandalar nəzarət altında və bir yerdə olsun. Amma meydança amili var. Bir meydança ilə çox çətin olur. İkinci kiçik meydançanın istifadəmizə verilməsi müzakirə olunur. Bundan sonra akademiyanın eyni məkanda olması işimizin keyfiyyətini artıra bilər.

- Uzun illərdir Azərbaycan millisinin özəyini "Qarabağ"ın futbolçuları təşkil edir. Aşağı yaş qrupları üzrə yığmalarda vəziyyət necədir?

- "Qarabağ"ın futbolçuları milli komandanın özəyini təşkil edir. Son 2 ildə akademiyadan da kifayət qədər oyunçu yığmalara dəvət alır. Qısa müddətdə bu rəqəm təxminən ikiqat artıb. Əvvəl akademiyamız millilərə 16-18 futbolçu verirdisə, indi bu rəqəm 32-33-ə çatır. Bu, bizi sevindirir. Akademiyanın ölkə futboluna fayda verməsi önəmlidir. Onların sabit çıxışı, həm klub, həm millidə oynamağa indidən öyrəşməsi vacibdir. Buna görə də biz daim millilərin məşqçiləri ilə sıx əlaqədə oluruq və belə davam edəcəyik.

- Milli komandalardakı futbolçularımızın sayındakı artımı nə ilə izah etmək olar?

- Belə artım bu müddətdə görülən məqsədyönlü işlərin nəticəsində mümkün olub. Yaxşı seleksiya işləri aparılıb. Bütün yaş qrupları üzrə istedadlı futbolçuların akademiyamıza cəlb edilməsi üçün xeyli əməli addımlar atılıb. Bu seleksiya işləri həm Bakıda, həm regionlarda aparılıb. Yığmalardakı təmsilçilərimizin sayındakı artıma səbəb olan ikinci amil bu futbolçularla aparılan yaxşı işdir. Məşqçilər korpusu da xeyli yaxşılaşdırılıb. Artıq akademiyamızda Pro kateqoriyalı 3 məşqçi çalışır. Bu da bir akademiya üçün kifayət qədər yüksək göstəricidir. A, B və C lisenziyası olan xeyli məşqçilərimiz var. Onların işə yanaşması, futbolçularla apardığı işlər də öz müsbət təsirini göstərir. Digər amil isə şəraitin yaxşılaşdırılmasıdır. Komandalarımız beynəlxalq turnirlərə göndərilib. Bu da futbolçuların istər dünyagörüşü, istər oyun keyfiyyətlərinin artmasına təsir göstərir. Təlim-məşq bazamızda müəyyən müsbət işlər görülüb, texnologiyanı inkişaf etdirməyə çalışmışıq. Bunların hər biri dəstəkləyici amillərdir.

- Hazırda müxtəlif yaş qrupları üzrə yığmalarda çıxış edən oyunçulardan nə qədərini gələcəkdə əsas millidə görə biləcəyimizi düşünürsüz?

- Sırf istedad və yanaşma baxımından bu futbolçuların hər biri A milli komandaya qədər yüksələ bilər. Bir neçə oyunçumuz da var ki, fiziki cəhətdən geri qaldıqları üçün millilərə dəvət almırlar. Amma biz onların potensialına bələdik, şübhəmiz yoxdur. Onlara bunun üçün lazım olan vaxtı vermişik və inkişaflarına təkan olmağa çalışırıq ki, bu oyunçuları milli komandalarımıza qazandıra bilək. Bundan əlavə, futbolçuların A milli komandaya qalxması üçün təkcə mənim, "Qarabağ" akademiyasının imkanları kifayət etmir. Bunun üçün həm çıxış etdikləri aşağı yaş qrupları üzrə yığmaların, həm peşəkar karyeralarını quracaqları klubların rolu olacaq. Bu klublar "Qarabağ" da, digərləri də ola bilər. Təbii ki, bu qədər futbolçunun hamısı "Qarabağ"ın əsas komandasında oynamayacaq, başqa klublarda da çıxış edəcək. Yəni bir futbolçunun əsas milliyə yüksəlməsi üçün kənar amillər də rol oynayır. Onun özü, klubu, rəqabət mühiti, ailəsi və digər amillər futbolçunun inkişafında müstəsna rola malikdir. Bunların hamısı bir yerdə toplanarsa, bu istedadlı futbolçularımızın əksəriyyətini əsas yığmada görə bilərik.

Qarabağ FK

Son xəbərlər

Olimpiada
Bu gün, 00:27

Vidadi Xalıqov Qahirədə keçirilən parakarate üzrə dünya çempionatında bürünc medal qazanıb

Futbol
Bu gün, 00:13

"Atletik Bilbao" "Levante"ni səfərdə məğlub etdi

Formula 1
Bu gün, 00:03

"Formula-1": Qətər Qran-prisində Oskar Piastri təsnifat mərhələsinin qalibi oldu

Futbol
Dünən, 23:52

Əvəzedicilər Liqası: "Qarabağ" və "Zirə" səfərdə qalib gəlib

Futbol
Dünən, 23:45

Kenan Yıldızın dublu "Yuventus"a qələbə gətirdi

Futbol
Dünən, 23:44

"Borussiya Dortmund" "Bayer Leverkuzen"i səfərdə məğlub etdi

Futbol
Dünən, 23:34

"Nyukasl Yunayted" "Everton"u darmadağın etdi

Futbol
Dünən, 23:23

Rıdvan Yılmaz zədələndi

Formula 1
Dünən, 23:15

Hemilton "Ferrari"də Badoer və Fizikella kimi ardıcıl iki dəfə birinci seçmə mərhələdən keçə bilməyib

Futbol
Dünən, 23:06

Kənan Yıldızın dublu "Yuventus"a "Kalyari" üzərində qələbə qazandırıb

Futbol
Dünən, 22:55

Füzuli Məmmədov: "Karvan-Yevlax" futbolçularının fiziki durumunu yüksəltməyə çalışacaq

Futbol
Dünən, 22:53

Noyer Bundesliqa tarixində rekorda yaxınlaşır

Futbol
Dünən, 22:40

Ömər Paşayev AFFA Hakimlər Departamentinin rəhbəri vəzifəsindən istefa verib

Futbol
Dünən, 22:31

"Qarabağ" "Karvan-Yevlax"ı məğlub etdi: Hesab 2:0 - Video

Futbol
Dünən, 22:23

Qadınlardan ibarət milli komandamız Malayziyanı məğlub edərək turnirə qələbə ilə başladı

Futbol
Dünən, 22:22

Əliyar Ağayev: Futbolda qalmağın yeganə yolunu hakimlikdə gördüm - Müsahibə

Futbol
Dünən, 22:04

Azlıqda qalan "Monako" PSJ-ni 1:0 hesabı ilə məğlub etdi

Futbol
Dünən, 21:53

"Sabah" "İmişli"ni səfərdə 3:0 hesabı ilə məğlub etdi - Video

Futbol
Dünən, 21:51

"Udineze" səfərdə "Parma"nı məğlub edib, "Cenoa" isə "Verona"dan üstün olub

Futbol
Dünən, 21:39

"Barselona" "Alaves"i 3:1 hesabı ilə məğlub edib, La Liqada liderliyə yüksəlib

Formula 1
Dünən, 21:36

Oskar Piastri Qətər Qran-prisinin sprint yarışında qalib gəlib

Formula 1
Dünən, 21:36

Oskar Piastri Qətər Qran-prisində sprint yarışının qalibi olub

Futbol
Dünən, 21:23

Xabi Alonso "Jirona" oyunu ərəfəsində zədəli "Real" futbolçuları barədə məlumat verdi

Futbol
Dünən, 21:20

"Mançester Siti" "Lids"i Fodenin dublu ilə məğlub etdi

Oxşar xəbərlər