Qarabağ FK
"Neftçi" - "Qarabağ" – 0:3
Leandro Andrade, 27, 56. Nəriman Axundzadə, 53
Komandamız növbəti oyununu keçirib. Qurban Qurbanovun yetirmələri Misli Premyer Liqasının XV turu çərçivəsində "Neftçi Arena"da "Neftçi"nin qonağı olub.
Komandamız qarşılaşmaya aşağıdakı heyətlə çıxıb: 97. Fabian Buntiç, 30. Abbas Hüseynov, 24. Aleksey İsayev, 44. Elvin Cəfərquliyev, 22. Musa Qurbanlı, 90. Nəriman Axundzadə, 81. Kevin Medina (k), 2. Mateus Silva, 6. Julio Romao, 15. Leandro Andrade, 11. Emmanuel Addai.
Oyun qarşılıqlı hücumlarla başlayıb. Dəqiqələr keçdikcə komandamız nəzarəti ələ keçirib. Bu üstünlük tezliklə hesabda da öz əksini tapıb. Qapıçı ilə təkbətək çıxan Leandro Andrade onu da aldadaraq hesabı açıb. Bundan sonra da ssenari dəyişməyib. Futbolçularımız fərqi artırmaq üçün bir neçə real imkan əldə etsələr də, topu tora göndərmək mümkün olmayıb.
İkinci hissədə də üstün oyun sərgiləyən komandamız qısa müddətdə ardıcıl iki qol vurub. Əvvəlcə Nəriman Axundzadə yaxın məsafədən toru silkələyib. Qolun məhsuldar ötürməsini verən Leandro az sonra özü fərqlənərək dubla imza atıb.
Beləliklə, 3:0 hesablı qələbə qazanan komandamız Premyer Liqada xallarının sayını 37-yə çatdırıb və liderliyini qoruyub.
Qeyd edək ki, ölkə çempionatında növbəti matçını dekabrın 7-də keçirəcək "Qarabağ" səfərdə "Sabah"la qarşılaşacaq
