Qarabağ FK
"Qarabağ" - "Şamaxı" - 3:0
Toral Bayramov, 50 (pen.). Redon Cica, 66. Yassin Benzia, 84
Komandamız növbəti oyununu keçirib. Qurban Qurbanovun Misli Premyer Liqasının XI turu çərçivəsində Tofiq Bəhramov adına Respublika Stadionunda "Şamaxı" ilə qarşılaşıb.
Komandamız qarşılaşmaya aşağıdakı heyətlə çıxıb: 97. Fabian Buntiç, 24. Aleksey İsayev, 13. Bəhlul Mustafazadə (k), 44. Elvin Cəfərquliyev, 27. Toral Bayramov, 90. Nəriman Axundzadə, 81. Kevin Medina, 66. Patrik Andrade, 6. Julio Romao, 21. Aleksey Kaşuk, 11. Emmanuel Addai.
Oyun komandamızın ərazi üstünlüyü ilə başlayıb. Birinci hissədə bir neçə təhlükəli hücum qurulsa da, fərqlənmək mümkün olmayıb. Ancaq komandamızın üstünlüyü fasilədən sonra hesabda da öz əksini tapıb. Əvvəlcə Toral Bayramov penaltidən hesabı açıb. Bir qədər sonra Redon Cicanın zərbəsi qarşısıalınmaz olub. Matçda son nöqtəni isə Yassin Benzia qoyub.
Beləliklə, 3:0 hesablı qələbə qazanan komandamız Premyer Liqada ardıcıl 7-ci qalibiyyətini əldə edib və 10 oyunda topladığı 27 xalla liderliyini davam etdirib.
Qeyd edək ki, ölkə çempionatında növbəti matçını noyabrın 1-də keçirəcək "Qarabağ" "Turan Tovuz"un qonağı olacaq.
