Idman.biz
Üzgüçülük üzrə dünya çempionu Benedetta Pilato və onun İtaliya milli komandasındakı tərəfdaşı Kyara Tarantino Sinqapur hava limanında mağazadan oğurluq etdikləri üçün cəzalandırılıblar.
Bu barədə İdman.Biz İtaliya Üzgüçülük Federasiyasının (FIN) mətbuat xidmətinə istinadən məlumat verir.
Bundan əvvəl mediada avqust ayında 20 yaşlı Pilato və 22 yaşlı Tarantinonun ətir oğurladığı üçün Sinqapur hava limanında polis tərəfindən saxlanıldığı barədə xəbərlər yayılmışdı. İtaliya səfirliyinin müdaxiləsi sayəsində idmançılar sərbəst buraxılıb.
"İstintaq zamanı üzə çıxan faktları və idmançıların təqsirlərini etiraf etdikdən sonra əməkdaşlığa hazır olduqlarını nəzərə alaraq, prokurorluq onların 90 gün müddətinə ictimai və dövlət fəaliyyətindən uzaqlaşdırılması haqqında qərar çıxarıb", - FİN-in bəyanatında deyilir.
Pilato və Tarantino bu səbəbdən dekabrın 2-dən 7-dək Polşada keçiriləcək Qısa məsafədə üzgüçülük üzrə Avropa çempionatında iştirak edə bilməyəcəklər.
Pilato 2022-ci ildə Budapeştdə keçirilən dünya çempionatında qızıl medal qazanıb.
Sinqapurda dünya çempionatı iyulun 27-dən avqustun 3-dək baş tutub.
