Idman.biz
Almaniyanın Reyn-Rur bölgəsində keçiriləcək Ümumdünya Universiadasında qalib və mükafatçılara ümumilikdə 234 dəst medal təqdim olunacaq.
İdman.biz xəbər verir ki, Azərbaycan komandasının da iştirak edəcəyi multiforumda 18 növdə mübarizə gedəcək.
Bunlar cüdo, atletika, basketbol, 3x3 basketbol, su polosu, üzgüçülük, suya tullanma, voleybol, çimərlik voleybolu, avarçəkmə, tennis, stolüstü tennis, badminton, idman gimnastikası, bədii gimnastika, kamandan oxatma, taekvondo və qılıncoynatmadır.
İndiyədək Universiada yalnız bir dəfə Almaniyada keçirilib ki, bu da 1989-cu ilə təsadüf edib (Duysburqda). O vaxt yarışlarda 79 ölkədən 1785 idmançı iştirak edib.
İyulun 16-27-də keçiriləcək qarşıdakı multiforumda Almaniya tərəfi 160 ölkədən 8500-dən çox iştirakçı gözləyir.
İdman.biz
