Idman.biz
Beynəlxalq Universitet İdmanı Federasiyası (FISU) Almaniyanın Reyn-Rur bölgəsində keçiriləcək Ümumdünya Universitet Oyunlarında iştirak meyarlarını açıqlayıb.
İdman.biz xəbər verir ki, Oyunlarda tədbirin keçirildiyi il dekabrın 31-dək 18-25 yaş arasında olan və milli universitet idmanı federasiyaları tərəfindən namizədliyi irəli sürülmüş tələbələr iştirak edə bilər.
Multiforum Almaniyanın altı şəhərində keçiriləcək. Yarışlara Reyn-Rur bölgəsinə aid olan Boxum, Essen, Duysburq, Mülheim an der Ruhr və Hagen, eləcə də Almaniyanın paytaxtı Berlin ev sahibliyi edəcək.
Qeyd edək ki, iyulun 16-27-də keçiriləcək Universiadada Azərbaycan da daxil olmaqla 150-dən çox ölkədən 8500 tələbə-idmançının iştirak edəcəyi gözlənilir. Onlar 18 növ üzrə yarışacaqlar.
İdman.biz
