Universiada: Azərbaycan taekvondoçuları yarışa uğurla başlayıb, bəziləri məğlub olub

Almaniyanın Reyn-Rur bölgəsində keçirilən Ümumdünya Universiadasında taekvondo üzrə yarışlar davam edir.

İdman.biz-in Almaniyaya ezam olunmuş əməkdaşı xəbər verir ki, Azərbaycan taekvondoçusu Taleh Süleymanov (80 kq) əvvəlcə Emil Brenqbeilə (Danimarka), sonra isə Kaan Gümüşə (Almaniya) qalib gəlsə də, 1/4 finalda Kirill Qurnova (Ukrayna) uduzaraq turniri başa vurub.

****
13:55

Azərbaycan taekvondoçuları Almaniyanın Reyn-Rur bölgəsində keçirilən Ümumdünya Universiadasında çıxışlarını davam etdirirlər.

İdman.biz-in Almaniyaya ezam olunmuş əməkdaşı xəbər verir ki, Taleh Süleymanov (80 kq) əvvəlcə Emil Brenqbeilə (Danimarka), sonra isə Kaan Gümüşə (Almaniya) qalib gələrək 1/4 finala yüksəlib.

Rahid Vəliyev (58 kq) ilk döyüşdə Əbdül Əl Cəbrini (Oman) məğlub etsə də, sonra Yonq-Myeon Kimə (Cənubi Koreya) məğlub olub.

Səmərrux Osmanova (49 kq) ilk mərhələdə Hinata Okazakiyə (Yaponiya) uduzub.

****
15:55

Azərbaycan taekvondoçuları Almaniyanın Reyn-Rur bölgəsində keçirilən Ümumdünya Yay Universiadasında çıxışlarına uğurla başlayıblar.

İdman.biz-in Almaniyaya ezam olunmuş əməkdaşı xəbər verir ki, Rahid Vəliyev (58 kq) ilk döyüşdə Oman təmsilçisi Əbdül Əl Cəbriyə, Taleh Süleymanov (80 kq) danimarkalı Emil Brenqbeilə qalib gəlib.

Eyni zamanda, digər təmsilçimiz Səmərrux Osmanova (49 kq) yaponiyalı Hinata Okazakiyə məğlub olub.

Zəki Feyzullayev
İdman.biz