Sport24.az
Üzgüçülük üzrə üçqat Olimpiya çempionu Adam Piti Paris-2024-də idmançılara verilən yeməklərin keyfiyyətindən narazılıq edib. Sport24.az xəbər verir ki, britaniyalı idmançı "iNews"a açıqlamasında bildirib ki, onlara verilən balıqdan qurd tapılıb:
"Qidalanma idmançılardan gözlənilən performans səviyyəsi üçün kifayət qədər yaxşı deyil. Tokio və Rio Olimpiadalarında yeməklər inanılmaz idi. Amma indi uzun növbələr olur, yemək üçün 30 dəqiqə gözləməli oluruq.
Sadəcə, davamlı inkişaf adı altında idmançılar cəzalandırılır. Mən ət yemək istəyirəm, yarış üçün ət lazımdır və mən evdə belə yeyirəm. Bəs niyə indi nəyisə dəyişməliyəm? Balığı sevirəm, amma onun içindən qurd çıxır. Mən sadəcə, insanların öz işlərində daha yaxşı olmasını istəyirəm".
Qeyd edək ki, Paris-2024-iün Olimpiya kəndlərində bundan əvvəl də qida keyfiyyəti ilə bağlı narazılıq olub. Xüsusən də Almaniya otüstü xokkey komandasının oyunçuları və dəfələrlə Olimpiya çempionu olan amerikalı gimnast Simone Biles tərəfindən yeməklər tənqid edilib.
