Idman.biz
Amerikalı üzgüçü Qretçen Uolş qısa məsafəli hovuzda keçirilən üzgüçülük üzrə Dünya Kubokunun Karmel (ABŞ) mərhələsində 50 metr məsafəyə kəpənək üsulu ilə üzmədə yeni dünya rekordu müəyyənləşdirib.
İdman.biz xəbər verir ki, idmançı 23,72 saniyəlik nəticə göstərərək tarixdə bu məsafəni 24 saniyədən tez qət edən ilk üzgüçü olub.
Əvvəlki rekord da Uolşa məxsus idi — o, 2024-cü ilin dekabrında Budapeştdə keçirilən dünya çempionatında 24,02 saniyəlik nəticə ilə bu uğura imza atmışdı.
Qeyd edək ki, 22 yaşlı Qretçen Uolş ikiqat Olimpiya çempionu, 2024-cü il Paris Olimpiadasının gümüş medalçısı, həmçinin dördqat dünya çempionu və çoxsaylı dünya mükafatçısıdır.
