Sport24.az
Bədii gimnastikanın qrup hərəkətləri üzrə Azərbaycan millisi Paris-2024-də çıxışını başa vurub. Sport24.az xəbər verir ki, Zeynəb Hümmətova, Ləman Əlimuradova, Darya Sorokina, Güllü Ağalarzadə və Yelizaveta Luzandan ibarət "beşlik" bu gün başa çatan final mərhələsində 5-ci yeri tutub. Bu, Azərbaycan gimnastlarının Olimpiadalarda qrup hərəkətlərindəki ən yaxşı nəticəsidir.
Qrup hərəkətləri üzrə komandamız 3-cü dəfə Oyunlara qatılıb. Yığmamız Pekin-2008-də 7-ci, Tokio-2020-də 10-cu olub.
Qeyd edək ki, Paris-2024-ün bədii gimnastika yarışlarına bu gün yekun vurulub.
