Sport24.az
Açıq suda üzgüçülük üzrə Olimpiya çempionu Şaron van Rauvendal Sena çayının çirklənməsinə ironiya ilə yanaşıb. Sport24.az xəbər verir ki, Niderland təmsilçisi çayın çirklənməsini sosial şəbəkə "X"də paylaşdığı postla istehza edib.
O, Qollum personajının Sena çayından çıxaraq jurnalistə müsahibə verdiyi şəkli paylaşaraq belə yazıb: "Doqquz gün sonra sudan bu cür çıxacağıq".
Qeyd edək ki, 28 və 29 iyulda Olimpiya oyunlarının təşkilatçıları leysan yağışlarından sonra suyun keyfiyyətinin pisləşməsi səbəbindən triatlonçuların Sena çayında yarışlarını ləğv etmişdilər.
