Sport24.az
Paris-2024 Yay Olimpiya Oyunlarının güləş yarışları davam edir. Sport24.az xəbər verir ki, bu gün daha iki çəkidə mübarizə aparan sərbəst güləşçilərimiz yarışa başlayıblar.
74 kqda qərarlaşan Turan Bayramov 1/8 finalda Avropa çempionatlarının üçqat mükafatçısı albaniyalı Çermen Valiyevlə qüvvəsini sınayıb.
125 kqda yer alan Giorgi Meşvildişvili isə 1/4 finala vəsiqə üçün misirli Diaeldin Abdelmottaleblə qarşılaşıb. Görüş qitə çempionatlarında iki bürünc qazanmış təmsilçimizin qələbəsi ilə başa çatıb. O, 4:0 hesabı ilə qalib gəlib.
Qeyd edək ki, Parisə 6 idmançı ilə yollanan sərbəst güləş millimizin təmsilçilərindən Əliabbas Rzazadə (57 kq) və Osman Nurmaqomedov (86 kq) Olimpiada ilə vidalaşıb, Hacı Əliyevlə (65 kq) Maqomedxan Maqomedov (97 kq) sabah xalçaya çıxacaq.
