Sport24.az
Kanada Paris Olimpiadasında qadınlar arasında futbolda FİFA qərarına etiraz olaraq Lozannada yerləşən İdman Arbitraj Məhkəməsi-nə (İAM) müraciət edib. Sport24.az xəbər verir ki, Kanada ötən həftə rəqib komandanın məşqində pilotsuz uçan aparatdan istifadə etdiyinə görə, FİFA onu 200 min İsveçrə frankı (226 min dollar) məbləğində cərimələyib və 6 xaldan məhrum etmişdi.
Kanadanın 2-1 hesabı ilə qalib gəldiyi oyundan əvvəl Yeni Zelandiya məşqində pilotsuz təyyarədən istifadə edərkən yaxalanan analitik Coi Lombardi səkkiz aylıq şərti həbs cəzası alaraq komanda tərəfindən evə göndərilmişdi.
Məşqçi Bev Pristmin və köməkçi məşqçi Jasim Mender FİFA tərəfindən Lombardi ilə birlikdə bir il müddətinə futbolla bağlı bütün fəaliyyətlərdən uzaqlaşdırılıb.
İAM-a müraciət həmin qadağalara deyil, yalnız balların kəsilməsi ilə bağlıdır.
Kanada Yeni Zelandiya və Fransaya qarşı keçirdikləri hər iki matçda qalib gəlsələr də, bu cəza onların sıfır xalı olduğunu göstərir.
