İdman, biz və Olimpiada: Millimizin medal kolleksiyası - TƏHLİL

İyulun 26-da açılış mərasimi təşkil olunacaq Paris-2024 Yay Olimpiya Oyunlarının startına 42 gün qalıb.

İdman.biz 6 həftədən sonra cümə günü start götürəcək dördilliyin ən mötəbər multiidman yarışına həsr olunan silsilə yazıları davam etdirir.

Paris-2024-ə qədər olan müddətdə Azərbaycan idmançılarının müstəqillik illərində qatıldığı yay Olimpiadalarını xatırladıqdan sonra təmsilçilərimiz mükafat kolleksiyasını nəzərdən keçirəcəyik.

7x7: 49 medal
İdmançılarımız 7 Olimpiadada iştirak ediblər. Onların ümumi qazancı 7 qızıl medal olub. Mükafatların ümumi sayı isə 49-a bərabərdir. Onlardan 14-ü gümüş, 28-i bürüncdür.
Yığmamız Sidney və Londonda daha çox – 2 çempionluğa sevinib. Atlanta və Tokioda qızıl həsrəti yaşanıb.
Ümumi medal sayında rekord Rioda qeydə alınıb – 18. Atlantada isə yalnız bir uğur olub.
Təbii ki, siyahıda sonradan ləğv edilən iki mükafat əksini tapmayıb. Güləşçi Vitali Rəhimovun Pekin, ağırlıqqaldıran Valentin Xristovun Londonda qazandığı gümüş sonradan dopinq səbəbindən əlindən alınıb.

İl	Qızıl	Gümüş	Bürünc	Cəmi
Atlanta-1996	0	1	0	1
Sidney-2000	2	0	1	3
Afina-2004	1	0	4	5
Pekin-2008	1	1	4	6
London-2012	2	2	5	9
Rio-2016	1	7	10	18
Tokio-2020	0	3	4	7
Cəmi	7	14	28	49

7 növdə uğur

Təmsilçilərimiz 7 idman növündə medal qazanıblar. Onlardan ikisi də öz növbəsində bir neçə növə bölünür. Güləşin hər üç (sərbəst, yunan-Roma və qadın), atıcılığın iki (stend, güllə) növlərində mükafat qazanılıb. Bu növləri fərqli hesab etsək, uğur əldə olunan yarışların sayı 10-a çatar. Həm medalların, həm çempionluqların yarıdan çoxu güləşin payına düşür. Pəhləvanlarımız 4-ü qızıl olmaqla 25 dəfə mükafata sahib çıxıblar. Güləş kimi cüdo, taekvondo və atıcılıqda da çempionluq sevinci yaşanıb. Medalların ümumi sayında isə güləşdən sonrakı yeri boks tutur.

Növ	Qızıl	Gümüş	Bürünc	Cəmi
1. Güləş	4	8	13	25
Sərbəst	3	4	5	12
Yunan-Roma	1	2	4	7
Qadın	0	2	4	6
2. Cüdo	1	2	2	5
3 Atıcılıq	1	0	2	3
Stend	1	0	1	2
Güllə	0	0	1	1
4. Taekvondo	1	0	2	3
5. Karate	0	2	0	2
6. Boks	0	1	8	9
7. Kanoe	0	1	1	2

Londondan Tokioya qədər

Yığmamızın medal sıralamasındakı ən yaxşı mövqeyi 30-cu yerdir. Bu rekord Londonda qeydə alınıb. Sidneydə isə millimiz 34-cü olub.
Antirekord 67-ci yeri tutduğumuz Tokioda yaşanıb. Atlantada 61-ci yerlə kifayətlənmişik.

İl	Yer
Atlanta-1996	61
Sidney-2000	34
Afina-2004	50
Pekin-2008	40
London-2012	30
Rio-2016	39
Tokio-2020	67

Xalçada hegemon, rinqdə seriya

İdmançılarımızın növlər üzrə Olimpiadalardakı qazancını nəzərdən keçirək. Güləş yeganə idman növüdür ki, bütün Oyunlarda medalımız olub. Tək Rioda 9, Londonda 7 mükafatın olması xalçadakı hegemonluqdan xəbər verir. İngiltərədə iki qızıl da bu idman növündə qazanılıb.
Güləş üzrə ayrı-ayrı yığmalara gəlincə, sərbəst üsula üstünlük verən pəhləvanlar yalnız Afinada əliboş qalıblar. Yunanıstan paytaxtında "klassiklər"in "siftə"si olub ki, həmin vaxtdan heç vaxt mükafatsız qalmayıblar. Dörd il sonra isə qadın millimiz medallı Olimpiadalar seriyasının təməlini qoyub.
Güləş kimi boks millimiz də hər Oyunlarda medal qazanmaq ənənəsinə malikdir. Yalnız Atlanta rinqində əliboş qalan yığmamız ardıcıl 6 yarışda mükafata sahib çıxıb.
Cüdo millimiz üç, atıcılıq yığmamız iki dəfə fərqlənib. Digər üç növdə isə yalnız bir Olimpiadada medal əldə edilib.

Güləş

	Qızıl	Gümüş	Bürünc	Cəmi
Atlanta-1996	0	1	0	1
Sidney-2000	1	0	0	1
Afina-2004	1	0	0	1
Pekin-2008	0	1	2	3
London-2012	2	2	3	7
Rio-2016	0	3	6	9
Tokio-2020	0	1	2	3
Cəmi	4	8	13	25

Sərbəst güləş

s.güləş	Qızıl	Gümüş	Bürünc	Cəmi
Atlanta-1996	0	1	0	1
Sidney-2000	1	0	0	1
Pekin-2008	0	0	1	1
London-2012	2	0	1	3
Rio-2016	0	2	3	5
Tokio-2020	0	1	0	1
Cəmi	3	4	5	12

Yunan-Roma güləşi

	Qızıl	Gümüş	Bürünc	Cəmi
Afina-2004	1	0	0	1
Pekin-2008	0	1	0	1
London-2012	0	1	1	2
Rio-2016	0	0	2	2
Tokio-2020	0	0	1	1
Cəmi	1	2	4	7

Qadın güləşi

	Qızıl	Gümüş	Bürünc	Cəmi
Pekin-2008	0	0	1	1
London-2012	0	1	1	2
Rio-2016	0	1	1	2
Tokio-2020	0	0	1	1
Cəmi	0	2	4	6

Boks

	Qızıl	Gümüş	Bürünc	Cəmi
Sidney-2000	0	0	1	1
Afina-2004	0	0	2	2
Pekin-2008	0	0	1	1
London-2012	0	0	2	2
Rio-2016	0	1	1	2
Tokio-2020	0	0	1	1
Cəmi	0	1	8	9

Cüdo

	Qızıl	Gümüş	Bürünc	Cəmi
Pekin-2008	1	0	1	2
Rio-2016	0	2	0	2
Tokio-2020	0	0	1	1
Cəmi	1	2	2	5

Stend atıcılığı

	Qızıl	Gümüş	Bürünc	Cəmi
Sidney-2000	1	0	0	1
Afina-2004	0	0	1	1
Cəmi	1	0	1	2

Güllə atıcılığı

	Qızıl	Gümüş	Bürünc	Cəmi
Afina-2004	0	0	1	1

Kanoe

	Qızıl	Gümüş	Bürünc	Cəmi
Rio-2016	0	1	1	2

Karate

	Qızıl	Gümüş	Bürünc	Cəmi
Tokio-2020	0	2	0	2

Taekvondo

	Qızıl	Gümüş	Bürünc	Cəmi
Rio-2016	1	0	2	3

7 yığmanın sevindiyi Rio

İllər üzrə Olimpiadada fərqləndiyimiz növlərə baxaq. Atlantada yeganə uğurumuz olduğundan təbii ki, bu, bir növdə əldə edilib. Sidney, Afina və Pekində millimiz üç növdə medal qazanıb. Amma Yunanıstanda atıcılığın iki, Çində güləşin üç növündə fəxri kürsüyə qalxmaq arzusu reallaşıb. Bu üzdən həmin yarışlardakı uğurlu növlərin sayını 4 və 5 kimi də saymaq mümkündür.
Londonda güləş millimizdən başqa yalnız boksda uğur əldə olunub. Amma xalça üzərinə çıxan hər üç növdəki təmsilçilərimiz fərqləniblər. Rioda rekord sayda – 5 növdə medal qazanılıb. Üstəlik, bunlardan birində - güləşdə hər üç yığma fərqlənib. Bir sözlə yeddi yığmamız Braziliyadan sevinclə qayıdıb. Tokioda bu rəqəm 6-ya bərabər olub. Üç güləş millimiz və daha üç növdə fəxri kürsüyə yol tapılıb.

1996