Sport24.az
Paris-2024 Yay Olimpiya Oyunlarının güləş yarışları davam edir. Sport24.az xəbər verir ki, bu gün sərbəst güləşçilərin mübarizəsi start götürüb.
Sərbəst güləşdə 57 kqda yer alan Əliabbas Rzazadə yarışa 1/8 finaldan başlayıb. Avropa çempionatlarının qızıl və gümüş mükafatçısının startda Özbəkistan təmsilçisi Qulomjon Abdullayevlə güləşib. Görüş rəqibin 11:4 hesablı qələbəsi ilə yekunlaşıb.
86 kqda qüvvəsini sınayan Osman Nurmaqomedov da ilk görüşünə 1/8 finalda çıxıb. O, monqolustanlı Baasanyarqal Byambasuren ilə üz-üzə gəlib. Qarşılaşmada idmançımız 11:2 hesabı ilə qalib gəlib. Nurmaqomedov 1/4 finalda Maylz Aminlə (San Marino) gücünü yoxlayıb. Güləşçimiz bu dəfə 14:16 hesablı məğlubiyyətə üzülüb.
Qeyd edək ki, bu iki çəkidə təsəlliverici qarşılaşmalar və medal görüşləri sabah təşkil olunacaq.
