Idman.biz
"Bu turnir ənənəyə çevrilib".
İdman.biz xəbər verir ki, bunu gənclər və idman naziri Fərid Qayıbov Türk dövlətləri arasında "Üzgüçülük hamı üçün" turnirinin mükafatlandırma mərasimindən sonra jurnalistlərə açıqlamasında deyib.
Nazir yarışın önəmindən danışıb: Növbəti kütləvi tədbirlər silsiləsindən olan tədbirimizdir. İkinci dəfədir bu yarışı keçiririk. Gördüyünüz kimi, həm qadınlar, həm də kişilər arasında yarış keçirilir. Bizi sevindirən məqam odur ki, ildən-ilə həm hovuzların, həm də iştirakçıların sayı artır. Bu isə bizim düzgün yolda olduğumuzdan xəbər verir. Gələcəkdə də bu istiqamətdə tədbirlərimizi davam etdirəcəyik".
Qeyd edək ki, layihənin məqsədi üzgüçülüyün kütləviliyini artırmaq, sağlam həyat tərzini təşviq etmək və iştirakçı ölkələr arasında dostluq əlaqələrini möhkəmləndirməkdir.
Aytac Sahəd
İdman.biz
