Report.az
III MDB Oyunlarının sonuna qədər sonuna qədər Azərbaycan idmançılarının medallarının sayı çoxalacaq.
"Report"un Gəncəyə ezam olunan əməkdaşı xəbər verir ki, bunu gənclər və idman naziri Fərid Qayıbov jurnalistlərə açıqlamasında deyib.
O, Gəncədə "Müstəqil Dövlətlər Birliyinin iştirakçısı olan dövlətlərin bədən tərbiyəsi və idman sahəsində əməkdaşlığı haqqında Saziş" iştirakçılarının Bədən Tərbiyəsi və İdman Şurasının iclası barədə danışıb:
"Hər zaman MDB oyunları ərəfəsində bu cür iclaslar keçirilir. Bu cür yığıncaqlarda iştirkaçı ölkələrin idman nazirlərinin və ya müavinlərinin hesabat çıxışları olur. İclasda hazırda Gəncədə davam edən III MDB Oyunu ilə bağlı maraqlı müzakirələr oldu, dünən Gəncə stadionunda baş tutan möhtəşəm açılış mərasimi barədə söhbətlər aparıldı".
Nazir 4 gündür davam edən yarışlarda maraqlı mübarizələrə şahidlik etdiklərini söyləyib:
"Üzgüçülük və stolüstü tennis yarışlarında artıq medallar qazanmışıq. Bu, bizə pozitiv düşünməyə imkan verir ki, yarışın sonuna qədər medallarımızın sayı daha da çox olacaq. "Doğma divarlar" arasında qələbələrimizin sayının çox olmasını istəyirik. Bütün idmançılara uğurlar arzulayıram".
O, bildirib ki, III MDB Oyunlarının paytaxtdan kənarda keçirilməsi Prezident İlham Əliyevin təşəbbüsü olub:
"7 şəhərimiz III MDB Oyunlarını qəbul etməyə hazır vəziyyətə gətirildi. Hazırlıq vaxtı təşkilat komitəsi tərəfindən bir sıra işlər görüldü. Ölkə üzrə 50-dən artıq idman kompleksləri var. Onların bəziləri son 25 ildə inşa olnunmuşdu və təmirə ehtiyacı var idi. Yarışdan əvvəl fürsətdən istifadə edərək idman qurğuları əsaslı təmirə bağlandı".
III MDB Oyunları Gəncə Stadionu Bədən Tərbiyəsi və İdman Şurasının iclası
