Idman.biz
Çinin Çendu şəhərində keçiriləcək Dünya Oyunlarının startına 50 gün qalır.
İdman.biz xəbər verir ki, bu multi-idman forumu avqustun 7-17-də keçiriləcək.
Azərbaycan komandası yarışlarda geniş heyətlə təmsil olunacaq.
Təkcə gimnastikada idmançılarımız üç növdə çıxış edəcəklər: tamblinq (Mixail Malkin), akrobatika (Aqasif Rəhimov və Raziyə Seyidli qarışıq cütlüyü, Murad Rəfiyev və Daniel Abbasov kişi dueti, Riad Səfərov, Rəsul Seyidli, Abdullah əl-Məşaihi və Seymur Cəfərovdan ibarət kişi qrupu) və aerobikada (Vladimir Dolmatov və Mədinə Mustafayeva qarışıq cütlüyü) qələbə uğrunda mübarizə aparacaqlar.
Bundan başqa, karate üzrə üçqat dünya çempionu İrina Zaretska (68 kq) və kikboksinq üzrə dünya çempionu Amin Quliyev (63,5 kq) də Dünya Oyunlarına vəsiqə qazanıblar.
40 idman növünü əhatə edəcək bu tədbirdə 120 ölkədən 4000-dən çox idmançının iştirakı gözlənilir.
İdman.biz
