Idman.biz
Atıcılıq üzrə gənclər arasında Dünya kuboku davam edir.
İdman.biz xəbər verir ki, Almaniyanın Sul şəhərində keçirilən yarışda qızların tapança ilə 10 m məsafədən atəş açma yarışına start verilib.
Təsnifat mərhələsində 80 snayper hədəf önünə keçib. Azərbaycan atıcısı Leyli Əliyeva da dəqiqliyini sınayıb. 561 xal toplayan idmançımız 26-cı yeri tutub. O, final mərhələsinə adlayan "səkkizlik"dən kənar qaldığı üçün mübarizəni dayandırıb.
Qeyd edək ki, oğlanların bu gün start götürəcək eyni növdəki yarışında Azərbaycan snayperi Vladislav Kalmıkov da mübarizə aparacaq.
İdman.biz
