Idman.biz
Avropa Atletikası və Azərbaycan Atletika Federasiyasının təşkilatçılığı ilə 2026-cı ildə Bakıda keçirilməsi nəzərdə tutulan Avropa Atletikası CEO Konsfransı ilə bağlı görüş keçirilib.
İdman.biz xəbər verir ki, görüş Avropa Atletikasının əməkdaşları ilə Azərbaycan Atletika Federasiyasının prezidenti Cavid Qurbanov arasında baş tutub.
Toplantında AAF-ın vitse-prezidenti Könül Nurullayeva, baş katibi Məhərrəm Sultanzadə, beynəlxalq əlaqələr və inkişaf şöbəsinin müdiri Kənan Məhərrəmov və mütəxəssisi Brandon İsakov da iştirak ediblər.
Federasiyamızın prezidenti Cavid Qurbanov konfransın ən yüksək səviyyədə keçirilməsi üçün lazımi dəstəyin göstəriləcəyini bildirib.
Görüşdə təşkilati məsələlər üzrə müzakirə edilib və konfrans zamanı istifadə ediləcək məkanlara baxış keçirilib.
İdman.biz
