Idman.biz
İtaliya prezidenti Sercio Mattarella 2026-cı il Qış Olimpiya Oyunlarını açıq elan edib.
Ondan əvvəl açılış mərasimində italyan tenor Andrea Boçelli "Nessun Dorma" əsərini ifa edib.
23:56
2026-cı il Olimpiya Oyunlarının açılış mərasimində iştirakçı ölkələrin idmançılarının paradı baş tutub. Azərbaycan yığmasının üzvləri də arenaya daxil olublar. Komanda iki idmançının daşıdığı Azərbaycan bayrağı altında tribunalara təqdim edilib.
Azərbaycan millisinin bayraqdarları fiqurlu konkisürən Vladimir Litvintsev və dağ xizəyi üzrə idmançı Anastasiya Papatoma olub. İdmançıların stadiona çıxışı tamaşaçılar tərəfindən alqışlarla qarşılanıb.
23:40
İtaliya Prezidenti Sercio Mattarella, ABŞ-ın vitse-prezidenti Cey Di Vens və Beynəlxalq Olimpiya Komitəsinin (BOK) prezidenti Kirsti Koventri 2026-cı il Olimpiya Oyunlarının İtaliyada keçirilən açılış mərasimində iştirak ediblər.
Onlar Milandakı "San Siro" stadionunda VIP tribunalarda qonaq olublar.
23:28
Məşhur amerikalı müğənni Merayya Keri, İtaliyanın Milan şəhərində keçirilən 2026-cı il Olimpiya Oyunlarının açılış mərasimində çıxış edib.
O, italyan dilində "Volare" mahnısını, eləcə də özünün "Nothing Is Impossible" mahnısını ifa edib.
23:24
İtaliyada 2026-cı il Qış Olimpiya Oyunlarının açılış mərasimi başlayıb.
Açılış mərasimi Milandakı "San-Siro" stadionunda reallaşır. Mərasim İtaliyanın zəngin tarixi və mədəni irsini əks etdirən bədii proqramla başlayıb.
İdmançıların paradları Kortina d'Ampezzo, Predazzo və Livinyoda keçiriləcək. Paradda doxsan iki nümayəndə heyəti iştirak edəcək.
Oyunlarda ümumilikdə 116 medal uğrunda mübarizə aparılacaq.
09:08
Bu gün İtaliyada 25-ci Qış Olimpiya Oyunlarının açılış mərasimi keçiriləcək.
İdman.Biz xəbər verir ki, yarışlar Milan və Kortina d Ampezzo şəhərlərində təşkil olunacaq.
İlk Olimpiya yarışlarına fevralın 4-də qarışıq cütlüklərin kerlinq turniri ilə start verilib. Qadınlar arasında xokkey üzrə turnir isə fevralın 5-dən etibarən keçirilir. Qış Olimpiya Oyunlarının rəsmi açılış mərasimi fevralın 6-da Milanda yerləşən "San-Siro" stadionunda baş tutacaq və Bakı vaxtı ilə saat 23:00-da başlayacaq.
İtaliyada 16 idman növü üzrə 116 medal uğrunda mübarizə baş tutacaq ki, bu da əvvəlki Olimpiada, 2022-ci il Pekin Oyunlarından yeddi medal çoxdur. Skeleton növü üzrə qarışıq komanda yarışları, sərbəst xizəksürmə üzrə kişilər və qadınlar arasında "moğul" yarışları və digər növlər əlavə edilib, lakin dağ xizəyi üzrə qarışıq komanda yarışları keçirilməyəcək. Xizək alpinizmi Olimpiya proqramında kişilər və qadınlar sprintləri, eləcə də komanda yarışlarını əhatə edən yeni yarışdır.
Qeyd edək ki, 25-ci Qış Olimpiya Oyunlarında Azərbaycanı milli komandamızın üzvləri Vladimir Litvintsev fiqurlu konkisürmə yarışlarında, Anastasiya Papatoma isə dağ xizəyinin slalom növündə təmsil edəcəklər.
Посмотреть эту публикацию в Instagram
