İdman.biz
Serbiyanın Novi Sad şəhərində keçirilən güləş üzrə U-20 Avropa çempionatı başa çatıb.
İdman.biz xəbər verir ki, yarışın son günündə 3 sərbəst güləşçimiz finalda çıxış edib.
Camal Abbasov (61 kq) həlledici görüşdə Andrey Midlovetslə (AİN) qarşılaşıb. Rəqib idmançı 6:1 hesabı ilə qalib gəlib.
Sadiq Mustafazadə (86 kq) finalda İbraqim Kadiyevlə (AİN) qüvvəsini sınayıb. Sadiq də fəxri kürsünün ən yüksək pilləsində yer almaq şansını qaçırıb. O, 1:9 hesabı ilə uduzaraq, gümüşə sahib olub.
92 kq çəki dərəcəsində yarışan Anar Cəfərli də final səddini aşa bilməyib. O, Mustafaqadji Malaxdibirovla (AİN) görüşdə 2:12 hesabı ilə uduzub.
Yusif Dursunov (125 kq) bürünc uğrunda ukraynalı İvan Miroşniçenko ilə qarşılaşıb. Güləşçimiz 3:2 hesabı ilə qalib gələrək bürüncə yiyələnib.
Bununla da, sərbəst güləş yığmamız Avropa çempionatını 1 qızıl, 4 gümüş və 1 bürünc medalla başa vurub.
Qeyd edək ki, təmsilçilərimiz sərbəst güləş yarışlarının ilk günündə 1 qızıl və 1 gümüş qazanıb.
İdman.biz
