İdman.biz
Bu gün Albaniyanın paytaxtı Tiranada güləş üzrə U-23 dünya çempionatına start verilib.
İdman.biz xəbər verir ki, ilk gündə yunan-Roma güləşçiləri xalçaya çıxıb.
Azərbaycanın 5 klassiki medal uğrunda mübarizəyə qoşulub.
U-23 dünya çempionatı
Yunan-Roma güləşi
60 kq
Nihat Quluzadə ilk mərhələdə Yasuhito Morini (Yaponiya) 6:3 hesabı ilə məğlub edib. Onun 1/8 finalda rəqibi amerikalı Maksvel Bleyk olacaq.
67 kq
Təsnifat mərhələsində mübarizəyə başlayan Fərid Xəlilovun Niklas Yan Olova (İsveç) qalib gəlsə də növbəti mərhələdə qırğızıstanlı Razzak Beuşekeevə uduzaraq mübarizəni dayandırıb.
72 kq
Ruslan Nurullayev startda neytral bayraq altında çıxış edən İlya Valevskidən 8:7 hesabı ilə üstün olub. Güləşçimiz 1/8 finalda Abror Atabayevlə (Özbəkistan) bacarmayıb.
82 kq
Elmin Əliyev 1/8 finalda Polşanı təmsil edən İslam Əliyevə məğlub olub.
97 kq
Murad Əhmədiyev ilk qarşılaşmasında Yuriy Dorohandan (Ukrayna) 5:2 hesabı ilə üstün olub. Güləşçimizin növbəti rəqibi isveçli Botvid Kaellman olacaq.
Qeyd edək ki, dünya çempionatında oktyabrın 27-də yekun vurulacaq.
İdman.biz
