U-23 Avropa Çempionatında Azərbaycan güləşçilərinin nəticələri: medallar, finalçılar və bürünc uğrunda görüşlər

Azərbaycanın sərbəst güləşçisi Yusif Dursunov Serbiyada keçirilən Gənclər arasında Avropa Çempionatında (U-23) gümüş medal qazanıb.

İdman.Biz-in məlumatına görə, 125 kq çəki dərəcəsində mübarizə aparan Azərbaycan güləşçisi final görüşündə rusiyalı Həbib Davudhacıyevlə qarşılaşıb.

Dursunov həlledici görüşdə 4:1 hesabı ilə uduzaraq 23 yaşadək qızlar arasında qitə çempionatında gümüş medal qazanıb.

Bundan əvvəl Ali Tsokayev gənclər arasında Avropa çempionu olub, Ceyhun Allahverdiyev (61 kq) isə gümüş medal qazanıb. Ağanəzər Novruzov (74 kq) və Vasif Xudiyev (86 kq) bürünc medal uğrunda görüşlərini uduzublar.

22:40

Azərbaycanlı sərbəst güləşçi Ali Tsokayev Serbiyanın Zrenyanində keçirilən 23 yaşadək güləşçilər arasında Avropa çempionatında qızıl medal qazanıb.

İdman.Biz-in məlumatına görə, 92 kq çəki dərəcəsində mübarizə aparan Azərbaycan güləşçisi final görüşündə türkiyəli Fatih Altunbaşla qarşılaşıb və 10:0 hesabı ilə qalib gəlib.

Həlledici görüşdə Tsokayev rəqibini məğlub edərək 23 yaşadək güləşçilər arasında qitə çempionu olub.

21:28

Azərbaycanlı sərbəst güləşçi Ceyhun Allahverdiyev Serbiyanın Zrenyanində keçirilən 23 yaşadək güləşçilər arasında Avropa çempionatında gümüş medal qazanıb.

İdman.Biz-in məlumatına görə, Azərbaycan güləşçisi final görüşündə erməni güləşçi Levik Mikaelyanla qarşılaşıb və 1:2 hesabı ilə məğlub olub.

20:41

Serbiyanın Zrenyanin şəhərində davam edən güləş üzrə U-23 Avropa çempionatı davam edir.

İdman.Biz-in məlumatına görə, Azərbaycan güləşçiləri Gültəkin Şirinova (55 kq) və Günay Qurbanova (59 kq) finala vəsiqə qazanıblar.

Şirinova moldovalı rəqibi Mihaela Samoili, Qurbanova isə rumıniyalı Ana Mariya Puyunu məğlub edib.
Avropa çempionatına martın 15-də yekun vurulacaq.

18:34

Serbiyanın Zrenyanin şəhərində 23 yaşadək güləşçilər arasında Avropa güləş çempionatı davam edir.

İdman.Biz-in məlumatına görə, yarışın üçüncü günündə üç Azərbaycan güləşçisi mübarizə aparıb: Əsmər Cankurtaran (50 kq), Gültəkin Şirinova (55 kq) və Günay Qurbanova (59 kq).

Şirinova və Qurbanova yarımfinala yüksəliblər, Cankurtaran isə rəqibinə uduzaraq mübarizəni dayandırıb.

09:20

Bu gün Serbiyanın Zrenyanin şəhərində təşkil olunan U-23 Avropa çempionatı davam edir.

İdman.Biz xəbər verir ki, turnirin üçüncü günündə qadın güləşçilər mübarizəyə qoşulacaqlar.

Milli üzvlərindən Əsmər Cankurtaran (50 kq), Gültəkin Şirinova (55 kq) və Günay Qurbanova (59 kq) döşək üzərinə çıxacaqlar.

Sərbəst güləşçilərdən isə Ceyhun Allahverdiyev (61 kq) finalda ermənistanlı Levik Mikayelyanla, Ali Tsokayev (92 kq) türkiyəli Fatih Altunbaşla, Yusif Dursunov (125 kq) isə rusiyalı Habib Davudqadjiyevlə üz-üzə gələcəklər.

Ağanəzər Novruzovla (74 kq) Vasif Xudiyev (86 kq) isə bürünc medal uğrunda görüşə çıxacaqlar.

Qeyd edək ki, daha əvvəl sərbəst güləşçilərdən Vasif Bağırovla (57 kq) Səbuhi Əmiraslanov (79 kq) gümüş, Musa Ağayev (65 kq) Ramik Heybətov (70 kq) və Zəfər Əliyev (97 kq) bürünc medal qazanıblar.

Avropa çempionatına martın 15-də yekun vurulacaq.