Idman.biz
Bu gün Azərbaycanın sərbəst güləşçiləri Bolqarıstanın Samokov şəhərində keçirilən U-17 Avropa çempionatında yarımfinal görüşlərinə çıxacaqlar.
İdman.Biz xəbər verir ki, təmsilçimiz Hüseyn Rzazadə (48 kq) rusiyalı Asilder Asluyevlə qarşılaşacaq.
Abbas Şəfiyev (55 kq) erməni güləşçi Suren İşxanyanla üz-üzə gələcək. Rəşid Nazarov (65 kq) fransalı Saşa Oberlə güləşəcək.
Nihad Süleymanlı (80 kq) rusiyalı Rəcəb Rəcəbovla qüvvəsini sınayacaq. Hakim Tağıyev (110 kq) isə gürcüstanlı Murtaz Baqdavadze ilə qarşılaşacaq.
Qeyd edək ki, yarımfinal görüşləri bu gün Bakı vaxtı ilə saat 18:00-da başlayacaq.
14:52
Azərbaycanın sərbəst güləşçisi Abbas Şəfiyev Bolqarıstanın Samokov şəhərində keçirilən U-17 Avropa çempionatında uğurlu çıxışını davam etdirib.
İdman.Biz xəbər verir ki, 55 kq çəki dərəcəsində mübarizə aparan güləşçimiz slovakiyalı Patrik Vetrakı 6:0 hesabı ilə məğlub edərək yarımfinala vəsiqə qazanıb.
Xatırladaq ki, digər təmsilçilərimizdən Hüseyn Rzazadə, Hakim Tağıyev, Rəşid Nazarov və Nihad Süleymanlı da yarımfinala yüksəliblər.
Yarış mayın 17-də başa çatacaq.
14:28
Azərbaycanın sərbəst güləşçiləri Bolqarıstanın Samokov şəhərində keçirilən U-17 Avropa çempionatında uğurlu çıxışlarını davam etdirirlər.
İdman.Biz xəbər verir ki, Abbas Şəfiyev (55 kq) türkiyəli Muhammed Yiğiti 8:5 hesabı ilə məğlub edərək 1/4 finala yüksəlib.
Hüseyn Rzazadə (48 kq) türkiyəli Yiğit Egemeni tam üstünlüklə - 10:0 hesabı ilə məğlub edərək yarımfinala vəsiqə qazanıb.
Hakim Tağıyev (110 kq) slovakiyalı Adam Koşanı 4:1 hesabı ilə üstələyərək yarımfinala adlayıb.
Rəşid Nazarov (65 kq) isə ardıcıl qələbələr qazanıb. O, əvvəlcə türkiyəli Aydıncan Gümüşdağı 7:3 hesabı ilə məğlub edərək 1/4 finala yüksəlib, daha sonra ukraynalı Teymur Abumislimovu 3:1 hesabı ilə üstələyərək yarımfinala vəsiqə əldə edib.
Nihad Süleymanlı (80 kq) macarıstanlı Zeteni Tuğini 7:0 hesabı ilə məğlub edərək yarımfinala yüksəlib.
12:49
Azərbaycanın sərbəst güləşçiləri Bolqarıstanın Samokov şəhərində keçirilən U-17 Avropa çempionatında uğurlu nəticələr qazanıblar.
İdman.Biz xəbər verir ki, Hakim Tağıyev (110 kq) rusiyalı Maqomed Omarova 2:1 hesabı ilə qalib gələrək 1/4 finala yüksəlib.
Hüseyn Rzazadə (48 kq) gürcüstanlı Laşa Koridzeyə tam üstünlüklə - 9:0 hesabı ilə qalib gələrək 1/4 finala vəsiqə qazanıb.
Rəşid Nazarov (65 kq) gürcüstanlı Bidzina Jintçaradzeyə xalların keyfiyyətinə görə (2:2) qalib gələrək 1/8 finala yüksəlib.
Nihad Süleymanlı (80 kq) isə gürcüstanlı Rati Revazaşviliyə 7:2 hesabı ilə qalib gələrək 1/8 final mərhələsinə adlayıb.
11:53
Azərbaycanın qadın güləşçisi Bolqarıstanın Samokov şəhərində keçirilən U-17 Avropa çempionatında çıxış edib.
İdman.Biz xəbər verir ki, 69 kq çəki dərəcəsində mübarizə aparan Simurə Abdullayeva təsəlliverici görüşdə rusiyalı Polina Yefimovaya 2:8 hesabı ilə məğlub olub.
11:36
Bu gün Azərbaycanın sərbəst güləşçilərinin Bolqarıstanın Samokov şəhərində keçirilən U-17 Avropa çempionatında görüşləri müəyyənləşib.
İdman.Biz xəbər verir ki, təsnifat mərhələsində Hüseyn Rzazadə (48 kq) Gürcüstanlı Laşa Koridze, Rəşid Nazarov (65 kq) Gürcüstanlı Bidzina Jintçaradze, Nihad Süleymanlı (80 kq) Gürcüstanlı Rati Revazaşvili və Hakim Tağıyev (110 kq) rusiyalı Maqomed Omarov ilə, 1/8 finalda isə Abbas Şəfiyev (55 kq) türkiyəli Muhammed Yiğit ilə qarşılaşacaq.
Qeyd edək ki, qadın güləşçimiz Simurə Abdullayeva da (69 kq) Bolqarıstanda keçirilən U-17 Avropa çempionatında təsəlliverici görüşə çıxacaq. O, rusiyalı Polina Yefimova ilə qarşılaşacaq.
Yarış mayın 17-də başa çatacaq.
