Idman.biz
Bolqarıstanın Samokov şəhərində keçirilən U-17 Avropa çempionatında sərbəst güləş üzrə finalçılar müəyyənləşib.
İdman.Biz xəbər verir ki, 51 kq çəki dərəcəsində çıxış edən İbrahim Həsənov finala yüksəlib.
Azərbaycanlı güləşçi yarışda ukraynalı Boqdan Kazakovu 10:0, rusiyalı Xalid Sonqurbekovu 12:0 və belaruslu Yanis Şapartauyanı 10:0 hesabı ilə məğlub edərək finala adlayıb.
İbrahim Həsənov qızıl medal uğrunda görüşdə Türkiyə təmsilçisi Muhammed Gölhayla qarşılaşacaq.
45 kq çəki dərəcəsində çıxış edən Tunar Həsənov ilk mərhələdə gürcüstanlı Mkrtiç Canamyanı 3:2 hesabı ilə məğlub etsə də, 1/4 finalda ukraynalı Marko Kvasniuka 0:2 hesabı ilə uduzub. O, sabah bürünc medal uğrunda türkiyəli Buğra Eldemirlə güləşəcək.
60 kq-da mübarizə aparan Vahid Məmmədov ispaniyalı Samvel Qorqyan üzərində 10:0 hesablı qələbə qazansa da, növbəti mərhələdə polyak Vitold Pavlikə sonuncu xal prinsipinə əsasən 1:1 hesabı ilə məğlub olub.
71 kq çəki dərəcəsində Tunar Quliyev debüt görüşündə ermənistanlı Avetik Tutxalyana 2:15 hesabı ilə uduzub.
92 kq-da çıxış edən Elgün Kərimli isə ermənistanlı Artur Mkrtçyanı 8:0 hesabı ilə məğlub etsə də, 1/4 finalda rusiyalı Abdurazak Şabanova 4:15 hesabı ilə uduzub. Elgün sabah təsəlliverici görüşdə belaruslu Timur Mirzəyevlə qarşılaşacaq.
11:53
Azərbaycanın sərbəst güləş üzrə U-17 millisinin üzvləri Bolqarıstanın Samokov şəhərində keçirilən Avropa çempionatında daha üç medal üçün mübarizə aparacaqlar.
İdman.Biz xəbər verir ki, 51 kq çəki dərəcəsində çıxış edən İbrahim Həsənovun final görüşünə çıxacaq. O, ukraynalı Boqdan Kazakovu 10:0, rusiyalı Xalid Sonqurbekovu 12:0, belaruslu Yanis Şapartaunu isə 10:0 hesabı ilə məğlub edərək həlledici mərhələyə yüksəlib. Finalda onun rəqibi türkiyəli Muhammed Gölha olacaq.
45 kq-da Tunar Həsənov bürünc medal uğrunda güləşəcək. O, ilk görüşdə gürcüstanlı Mkrtiç Canamyanı 3:2 hesabı ilə məğlub etsə də, dörddəbir finalda ukraynalı Marko Kvasniuka uduzub. Həsənov üçüncü yer uğrunda qarşılaşmada türkiyəli Buğra Eldemirlə üz-üzə gələcək.
92 kq-da Elgün Kərimli mübarizəni təsəlliverici görüşdə davam etdirəcək. Azərbaycanlı güləşçi startda ermənistanlı Artur Mkrtçyanı 8:0 hesabı ilə üstələyib, dörddəbir finalda isə rusiyalı Abdurazak Şabanova 4:15 hesabı ilə məğlub olub. O, təsəlliverici mərhələdə belaruslu Timur Mirzəyevlə qarşılaşacaq.
Qeyd edək ki, Azərbaycan millisi turnirdə bu vaxta qədər 13 medal qazanıb. Yığmanın aktivində üç qızıl, dörd gümüş və altı bürünc mükafat var.
