Sport24.az
Dağıstanın Kaspiysk şəhərində sərbəst güləş üzrə Əli Əliyevin xatirə turniri keçirilib. Sport24.az xəbər verir ki, 54-cü dəfə təşkil olunan yarışda Rusiya, Azərbaycan, Bəhreyn, Belarus, Macarıstan, Dominikan Respublikası, Qazaxıstan, Qırğızıstan, Serbiya, Tunis, Özbəkistan və İsveçrədən olan güləşçilər iştirak edib.
Turnirdə millimiz də mübarizə aparıb. Güləşçilərimiz 2 qızıl və 3 bürünc medal qazanıb.
Əli Rəhimzadə (65 kq) və Aslan Abakarov (97 kq) bütün rəqiblərinə qalib gələrək fəxri kürsünün ən yüksək pilləsinə qalxıb. Kənan Heybətov, Murad Yevloyev (hər ikisi 70 kq) və Şamil Zubairov (92 kq) isə üçüncü yeri tutub.
