İdman.biz
"Güləş azarkeşlərimizi əldə olunan uğurlara görə təbrik edirəm. Komanda hesabında 3-cü olmaq yaxşı nəticədir".
İdman.biz xəbər verir ki, bunu sərbəst güləş U-23 millimizin məşqçisi Taymuraz Kokoyev deyib.
Mütəxəssis yığmamızın Albaniyanın paytaxtı Tiranada keçirilən dünya çempionatında qazandığı uğuru şərh edib: "Bizim üçün hər bir şərait yaradılmışdı. Səylə, professional şəkildə mundiala hazırlaşdıq. Nəticələrdən razıyıq. Amma məşqçilər və idmançılar hər zaman daha yüksək uğurlara ümid edirlər. Səhvlərimiz üzərində işləyəcəyik. Bundan da yaxşı nəticələr göstərməyə çalışacağıq".
Qeyd edək ki, sərbəst güləşçilərimizdən Maqomed-Başir Xaniyev (70 kq) qızıl, Ruslan Abdullayev (61 kq) və Arseniy Djioyev (86 kq) gümüş, Cəbrayıl Qadjiyev (74 kq) isə bürünc medal qazanıb.
Emin Ağa
İdman.biz
