Idman.biz
Quba-Xaçmaz Regional Gənclər və İdman İdarəsinin Şabran rayonu üzrə gənclər və idman sektorunun təşkilatçılığı ilə Şabran UGİM-nin idman zalında sərbəst güləş üzrə Şabran rayon birinciliyi keçirilib.
İdman.Biz xəbər verir ki, birincilikdə Quba-Xaçmaz Regional Gənclər və İdman İdarəsinin Şabran rayonu üzrə gənclər və idman sektorunun müdiri Süleyman Əliməmmədov, Quba-Xaçmaz Regional Gənclər və İdman İdarəsinin nəzdində fəaliyyət göstərən UGİM-in direktoru İlqar Məqami, məşqçi-müəllimlər və 60 nəfər yeniyetmə idmançı iştirak edib.
Yeniyetmələrin idmana marağının artırılması, Şabran rayonunda idmanın kütləviliyinə nail olunması, perspektivli idmançıların aşkar edilməsi, sağlam həyat tərzinin təbliğ olunması və yeniyetmələrin asudə vaxtlarının səmərəli təşkil edilməsi məqsədilə keçirilmiş sərbəst güləş üzrə Şabran rayon birinciliyində I, II və III yeri qazanmış idmançılar Quba-Xaçmaz Regional Gənclər və İdman İdarəsi tərəfindən müvafiq dərəcəli diplom və medallarla təltif olunub.
