Sport24.az
İstanbulda Paris-2024 Yay Olimpiya Oyunlarına lisenziya qazanan yunan-Roma güləşçimiz Sabah Şəriəti (130 kq) Azərbaycan Güləş Federasiyasının mətbuat xidmətinə müsahibə verib. Sport24.az xəbər verir ki, Rio-2016 Olimpiadasının bürünc mükafatçısı Parisdə də medal qazanmaq arzusunda olduğunu deyib.
- Qələbə təəssüratları bölüşərdin.
- Bu gün uğurlu çıxış etdim. Özümü sübut edib, lisenziya qazandım. Buna görə, çox şadam.
- Rəqiblərin barədə nə deyə bilərsən? Ən çətin görüşün hansı oldu?
- Litvalı rəqiblə görüşü qeyd edə bilərəm. Dünya və Avropa çempionatlarının mükafatçısı idi. Ona qalib gəlməyi bacardım.
- İkinci dəfə Olimpiadada iştirak edəcəksən. Hədəfin nə olacaq?
- Artıq Olimpiya Oyunları təcrübəm var və medal da qazanmışam. Parisə 2-ci medal üçün gedəcəm. Bu, mənim son Olimpiadam olacaq. Bütün gücümü ortaya qoyub, fəxri kürsüdə yer almağa çalışacam.
