İdman.biz
Azərbaycan millisinin yunan-Roma güləşçisi Rafiq Hüseynov karyerasını bitirəcəyi vaxtı açıqlayıb.
"İdman Bizdə"nin qonağı olan 35 yaşlı idmançı tezliklə çıxışını başa vuracağını deyib.
Onun sözlərinə görə, artıq öz həyatını yaşamaq isatəyir: "Olimpiya Oyunlarının son yarış olmasını istəyirəm. Öncə fikirləşirsən ki, artıq bəsdir, bu, son yarışdır. Amma qalib gəldikdə, biraz çətin olur. Əgər medal qazansam, yəqin ki, son yarış olar. Artıq, bir növ, insan gərək öz həyatını da yaşasın. Çünki kifayət qədər ömrümü güləşə vermişəm. Artıq 29-cu il gedir".
Rafiq bildirib ki, yunan-Roma növü üzrə Azərbaycan millisinin Parisdə uğurlu çıxışına inanır: "Olimpiya Oyunları bir qədər digər yarışlardan fərqlənir. 4 ildən bir olduğu üçün həyəcanı daha çoxdur və daha məsuliyyətlidir. Fikirləşirəm ki, bizim komandadan hər kəs məsuliyətin nə dərəcədə olduğunu biləcəklər və hər birimiz yaxşı hazırlaşıb az streslə yarışa gedəcəyik. Düşünürəm ki, yaxşı olacaq. Əlimizdən gələni edirik. Geridə qalan qismətimizdir".
Qeyd edək ki, ikiqat dünya, üçqat Avropa çempionu olan Rafiq Hüseynov Tokioda keçirilən son Olimpiya Oyunlarının bürünc mükafatçısıdır.
Emin Ağa
İdman.biz
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
