İdman.biz
Serbiyanın Novi Sad şəhərində keçirilən güləş üzrə U-17 Avropa çempionatında qadınların mübarizəsinə yekun vurulub.
İdman.biz xəbər verir ki, Azərbaycan 4 güləşçisi günü medalla başa vurub.
Finalda yarışan Fatimə Bayramova (53 kq) qızıl qazanmaq şansını əldən verib. O, həlledici qarşılaşmada Olesya Malaxovaya (AİN) 0:6 hesabı ilə uduzub.
Nəzrin Əhmədli (40 kq) bürünc uğrunda Zuzanna Ptakla (Polşa) görüşüb. Təmsilçimiz tam üstünlüklə qalib gələrək, fəxri kürsüdə yer alıb.
Günay Qurbanova (61 kq) da bürünc qazanmaq şansını qaçırmayıb. Güləşçimiz moldovalı Qabriela Rudoyla görüşdə çətinlik çəkməyib - 6:1.
Zəhra Kərimzadə (69 kq) isə yığmamızın hesabına 3-cü bürüncü yazdırıb. O, slovakiyalı Mixaela Seboekovanı asanlıqla məğlub edib. Görüş 9:2 hesabı ilə yekunlaşıb.
Bununla da qadın güləşçilərdən ibarət Azərbaycan yığması Avropa çempionatını 1 gümüş, 3 bürünclə başa vurub.
Qeyd edək ki, qadınlar çempionatın ilk günündə medal qazana bilməmişdilər.
İdman.biz
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
